സ്വര്ണവില 92,000ലേക്ക്! പവന് 240 രൂപ വർദ്ധിച്ചു
കൊച്ചി: സംസ്ഥാനത്ത് സ്വര്ണവിലയുടെ കുതിപ്പ് തുടരുന്നു. സ്വര്ണവില 92,000 ലേക്ക് അടുക്കുകയാണ്. ഇന്ന് പവന് 240 രൂപ കൂടിയതോടെയാണ് സ്വര്ണവില പുതിയ ഉയരം കുറിച്ചത്. ഇന്ന് 91,960 രൂപയാണ് പവന് വില. ഗ്രാമിന് ആനുപാതികമായി 30 രൂപയാണ് വര്ധിച്ചത്. 11,495 രൂപയാണ് ഒരു ഗ്രാം സ്വര്ണത്തിന്റെ വില.എട്ടിനാണ് സ്വര്ണവില 90,000 ആദ്യമായി കടന്നത്.
അമേരിക്കയില് സാമ്പത്തിക രംഗത്ത് നിലനില്ക്കുന്ന അനിശ്ചിതത്വം അടക്കമുള്ള വിഷയങ്ങളാണ് അന്താരാഷ്ട്ര വിപണിയില് സ്വര്ണവിലയെ സ്വാധീനിക്കുന്നത്. അന്താരാഷ്ട്ര വിപണിയില് സ്വര്ണവിലയില് ഉണ്ടാകുന്ന ചലനങ്ങള് ഇന്ത്യന് വിപണിയിലും പ്രതിഫലിക്കുന്നതാണ് വില വര്ധനയ്ക്ക് കാരണമെന്ന് വിപണി വിദഗ്ധര് അഭിപ്രായപ്പെട്ടു.
