സ്റ്റാര്‍ട്ടപ്പുകള്‍ക്കായി പ്രത്യേക ടൗണ്‍ഷിപ്പ് ഒരുക്കണം: പീയുഷ് ഗോയല്‍
സംരംഭകര്‍ക്കും സ്റ്റാര്‍ട്ടപ്പുകള്‍ക്കുമായി ഒരു പ്രത്യേക ടൗണ്‍ഷിപ്പ് സ്ഥാപിക്കണമെന്ന് വാണിജ്യ-വ്യവസായ മന്ത്രി പിയൂഷ് ഗോയല്‍ അഭിപ്രായപ്പെട്ടു .സ്റ്റാര്‍ട്ടപ്പുകള്‍ക്ക് മികച്ച സാഹചര്യങ്ങൾ നല്‍കുന്നതിനാല്‍ വിവിധ രാജ്യങ്ങളിലെ ഔദ്യോഗിക പ്രതിനിധി സംഘത്തിന്റെ സന്ദര്‍ശനങ്ങളില്‍ പങ്കെടുക്കണമെന്നും അദ്ദേഹം ആവശ്യപ്പെട്ടു.’ഉയരങ്ങൾ കീഴടക്കാൻ ആഗ്രഹിക്കണം. നമുക്ക് സ്വന്തമായി ഒരു സിലിക്കണ്‍ വാലി ഉണ്ടായിരിക്കണം. ബംഗളുരു ഇന്ത്യയുടെ സിലിക്കണ്‍ വാലിയാണെന്ന് എനിക്കറിയാം. പക്ഷേ, എന്‍ഐസിഡിസിയുമായി ബന്ധം സ്ഥാപിക്കുന്നതിനെക്കുറിച്ച് നമ്മള്‍ ചിന്തിക്കാന്‍ തുടങ്ങുന്ന സമയമാണിതെന്ന് ഞാന്‍ കരുതുന്നു. സംരംഭകര്‍, സ്റ്റാര്‍ട്ടപ്പുകള്‍, നവീനര്‍, തടസ്സപ്പെടുത്തുന്നവര്‍ എന്നിവര്‍ക്കായി സമര്‍പ്പിച്ചിരിക്കുന്ന പുതിയ ടൗണ്‍ഷിപ്പ്’ അദ്ദേഹം പറഞ്ഞു.നാഷണല്‍ ഇന്‍ഡസ്ട്രിയല്‍ കോറിഡോര്‍ ഡെവലപ്മെന്റ് കോര്‍പ്പറേഷന്‍ (എന്‍ഐസിഡിസി) ദേശീയ വ്യവസായ ഇടനാഴി വികസന പരിപാടി നടപ്പിലാക്കുന്നു. ഇത് പുതിയ വ്യാവസായിക നഗരങ്ങളെ സ്മാര്‍ട്ട് സിറ്റികളായി വികസിപ്പിക്കുകയെന്ന ലക്ഷ്യത്തോടെയുള്ള അടിസ്ഥാന സൗകര്യ വികസന പദ്ധതിയാണ്. ബീഹാര്‍, ഗുജറാത്ത്, ആന്ധ്രാപ്രദേശ് എന്നിവയുള്‍പ്പെടെ രാജ്യത്തിന്റെ വിവിധ ഭാഗങ്ങളില്‍ അവര്‍ ഇത്തരത്തിലുള്ള 20 ടൗണ്‍ഷിപ്പുകള്‍ വികസിപ്പിക്കുന്നു.ദേശീയ തലസ്ഥാനത്ത് ഭാരത് സ്റ്റാര്‍ട്ടപ്പ് നോളജ് ആക്സസ് രജിസ്ട്രി (ഭാസ്‌കര്‍) പോര്‍ട്ടലിന്റെ ഉദ്ഘാടന വേളയില്‍ സ്റ്റാര്‍ട്ടപ്പ് കമ്പനികളെ അഭിസംബോധന ചെയ്യുകയായിരുന്നു മന്ത്രി. കൂടാതെ യുവസംരംഭകരെ രാജ്യാന്തര തലത്തില്‍ കാണാനും ലോക കമ്പനികളാകാനും മന്ത്രി പ്രോത്സാഹിപ്പിച്ചു.’നമുക്ക് ഒരു സമൂഹത്തെ സൃഷ്ടിക്കാന്‍ കഴിയുമോ, അല്ലെങ്കില്‍ 200 (അല്ലെങ്കില്‍) 100 (അല്ലെങ്കില്‍) 500 ഏക്കര്‍ വിസ്തീര്‍ണ്ണമുള്ള ഭൂമി… നമുക്ക് എന്തെങ്കിലും ആവാസവ്യവസ്ഥ സൃഷ്ടിക്കാന്‍ കഴിയുമോ എന്ന് നോക്കൂ… വളരെ ദൂരെയുള്ള സ്ഥലത്ത് നിന്ന് ആരെങ്കിലും ആശയവുമായി വരുന്നുണ്ടോ, എവിടെ, ആരുമായി ബന്ധപ്പെടണമെന്ന് അറിയാത്തവര്‍ക്ക് അവിടെ (ടൗണ്‍ഷിപ്പില്‍) ഇറങ്ങാന്‍ കഴിയും, ” ഗോയല്‍ പറഞ്ഞു.
