കെഎഫ്സി കടുത്ത പ്രതിസന്ധിയിൽ; വ്യവസായം നിലനിർത്താൻ വെല്ലുവിളികൾ നേരിടുന്നു

പ്രശസ്ത ഫ്രൈഡ് ചിക്കൻ ബ്രാൻഡായ കെന്‍റക്കി ഫ്രൈഡ് ചിക്കൻ (കെഎഫ്സി) ഇപ്പോൾ വലിയ പ്രതിസന്ധിയിലൂടെയാണ് കടന്നുപോകുന്നത്. ആഗോളതലത്തിൽ വിൽപ്പനയിൽ ഉണ്ടാകുന്ന ഇടിവാണ് കമ്പനിയെ ആശങ്കയിലാക്കുന്നത്. 2010 മുതൽ വിൽപ്പനയിൽ ഗുരുതരമായ കുറവാണ് വ്യക്തമായി കാണാൻ തുടങ്ങിയത്. മറ്റ് ഫ്രൈഡ് ചിക്കൻ റെസ്റ്റോറന്റുകളുടെ ഉയർച്ചയും, പ്രാദേശിക ചിക്കൻ ബ്രാൻഡുകളുടെ വരവും കെഎഫ്സിക്ക് വലിയ തിരിച്ചടിയായി. കെഎഫ്സിയുടെ പ്രധാന വിപണിയായ അമേരിക്കയിലും മറ്റു രാജ്യങ്ങളിലും ഔട്ട്ലെറ്റുകൾ അടച്ചുപൂട്ടേണ്ടി വരുന്ന അവസ്ഥയിലാണ്. അമേരിക്കയിലും, ആഗോളതലത്തിലും വ്യത്യസ്ത കമ്പനികൾ ഫ്രൈഡ് ചിക്കൻ വിപണിയിൽ ശക്തമായ സാന്നിധ്യം ഉറപ്പിച്ചിട്ടുണ്ട്. ഇതോടെ, 25,000-ലധികം ഔട്ട്ലെറ്റുകൾ പ്രവർത്തിക്കുന്ന അമേരിക്കയിൽ കെഎഫ്സിയുടെ വിപണി വിഹിതം 2022-ലെ 16.1% ല്‍ നിന്ന് 2023-ൽ 11.3% ആയി കുറഞ്ഞു. പലസ്തീൻ-ഇസ്രയേൽ സംഘര്‍ഷത്തിൽ അമേരിക്കയുടെ ഇസ്രയേലിനെ പിന്തുണയ്ക്കുന്ന നിലപാടിനോടുള്ള ആഗോള പ്രതിഷേധവും കെഎഫ്സിക്ക് തിരിച്ചടിയായി. അറബ് രാഷ്ട്രങ്ങളിലുടനീളം കെഎഫ്സി ഔട്ട്ലെറ്റുകളെ ബഹിഷ്കരിക്കുന്ന സാഹചര്യം ശക്തമായിട്ടുണ്ട്. ഇതിന്റെ ഭാഗമായി മലേഷ്യയിലധികം നൂറിലധികം ഔട്ട്ലെറ്റുകൾ അടച്ചുപൂട്ടിയിരിക്കുകയാണ്. 1995-ല്‍ ഇന്ത്യയിൽ പ്രവർത്തനമാരംഭിച്ച കെഎഫ്സി, ആദ്യ ശാഖ ബംഗളൂരുവിൽ തുറന്നുവ. ഇന്ത്യയിൽ കെഎഫ്സിയുടെ ഏറ്റവും വലിയ വിതരണക്കാരായ ദേവയാനി ഇന്റർനാഷണൽ ആറ്‌ നൂറിലധികം ഔട്ട്ലെറ്റുകൾ നിയന്ത്രിക്കുന്നു. നൈജീരിയ, നേപ്പാൾ തുടങ്ങിയ രാജ്യങ്ങളിലും ദേവയാനിയാണ് കെഎഫ്സിയുടെ പ്രധാന വിതരണക്കാരായി പ്രവർത്തിക്കുന്നത്.