ബിഎസ്എന്‍എല്‍ ലൈവ് ടിവി ആപ്പ് പുറത്തിറങ്ങി

ദില്ലി: ബിഎസ്എന്‍എല്‍ ആന്‍ഡ്രോയ്ഡ് ടിവി ഉപയോക്താക്കൾക്കായി പുതിയ ലൈവ് ടിവി ആപ്പ് പുറത്തിറക്കിയിരിക്കുന്നു. ഈ ആപ്പ് ഗൂഗിള്‍ പ്ലേ സ്റ്റോറിൽ നിന്ന് ഡൗൺലോഡ് ചെയ്യാവുന്നതാണ്. ആപ്പ് പുറത്തിറക്കിയിരിക്കുന്നത് വീകണക്റ്റാണ്. എന്നാല്‍, ഈ ബിഎസ്എന്‍എല്‍ ലൈവ് ടിവി ആപ്പ് ഭാവിയിൽ മറ്റ് പ്ലാറ്റ്ഫോമുകളിൽ ലഭ്യമാകുമോ എന്നതിനെക്കുറിച്ച് വ്യക്തതയില്ല.യുണിഫൈഡ് 4കെ എച്ച്ഇവിസി നെറ്റ്‍വർക്കും കേബിള്‍ ടിവിയും ഇന്‍റർനെറ്റും ലാന്‍ഡ്‍ലൈനും ഒരു സിംഗിൾ സിപിഇ വഴി നല്‍കുകയാണ് ബിഎസ്എന്‍എല്‍ ചെയ്യുന്നതെന്ന് ആപ്പിൽ വ്യക്തീകരിച്ചിട്ടുണ്ട്. 4കെ വീഡിയോ ഇന്‍റർഫേസും ബിള്‍ട്ട്-ഇന്‍ വൈഫൈ റൂട്ടറും, ഒടിടി ആപ്പുകളിലേക്കുള്ള ആക്സസും, സിസിടിവി സൗകര്യങ്ങളും ഈ ആന്‍ഡ്രോയ്ഡ് സംവിധാനം വാഗ്ദാനം ചെയ്യുന്നു. എന്നാൽ, ബിഎസ്എന്‍എല്‍ ലൈവ് ടിവി ആപ്പ് ജനങ്ങളിൽ സ്വീകാര്യത നേടുമോ എന്ന് കാത്തിരുന്ന് കാണേണ്ടതുണ്ട്, കാരണം ഇപ്പോഴത്തെ സ്ഥിതിയിൽ ആപ്പിന് വളരെ കുറച്ച് ഡൗൺലോഡുകളാണ് ഉള്ളത്.ബിഎസ്എന്‍എല്‍ ഇതിനകം തന്നെ ഐപിടിവി (ഇന്‍റർനെറ്റ് പ്രോട്ടോക്കോള്‍ ടിവി) സേവനം പ്രദാനം ചെയ്യുന്നു. റിലയന്‍സ് ജിയോയും ഭാരതി എയർടെലും ഈ രംഗത്ത് ബിഎസ്എന്‍എലിന് മത്സരം നൽകുന്ന പ്രധാന കമ്പനികളാണ്. ബിഎസ്എന്‍എല്‍ ഈ സേവനം ഫൈബർ കേബിള്‍ ശൃംഖലയിലൂടെ വളരെ കുറവായ നിരക്കിൽ നല്‍കുന്നു. മാസത്തിൽ 130 രൂപ മാത്രമാണ് പാക്കേജിന്റെ അടിസ്ഥാന നിരക്ക്. കമ്പനിക്ക് രണ്ട് എച്ച്ഡി പാക്കേജുകളും ഉണ്ട് – 211 ചാനലുകളുള്ള പാക്കേജ് 270 രൂപയ്ക്കും, 223 ചാനലുകളുള്ള പാക്കേജ് 400 രൂപയ്ക്കുമാണ് ലഭ്യമാകുന്നത്. ആന്‍ഡ്രോയ്ഡ് ടിവികളിൽ സെറ്റ്-ടോപ് ബോക്സിനില്ലാതെ തന്നെ ബിഎസ്എന്‍എല്‍ ഐപിടിവി പ്രവർത്തനക്ഷമമാണ്.