സ്വർണവിലയിൽ കുതിപ്പ് തുടരുന്നു; പവന് 81,000 കടന്നു
കൊച്ചി: റെക്കോര്ഡുകള് ഭേദിച്ച് വീണ്ടും കുതിപ്പ് തുടരുകയാണ് സംസ്ഥാനത്ത് സ്വര്ണവില. 160 രൂപയാണ് പവന് വര്ധിച്ചത്.ഒരു പവന് 81,040 രൂപയാണ് ഇന്നത്തെ വിപണി വില.ഒരു ഗ്രാം സ്വര്ണത്തിന്റെ വില 10,130 രൂപയാണ്.
രാജ്യാന്തര വിപണിയിലെ സ്വര്ണ വിലയുടെ വര്ധനവാണ് സ്വര്ണ വില ഉയരാൻ കാരണമായത്. സെപ്റ്റംബര് ഒന്നിന് സ്വര്ണവില പവന് 77,640 രൂപയായിരുന്നു.ഇന്നലെ രാവിലെ സ്വര്ണവില നേരിയ തോതില് കുറഞ്ഞിരുന്നു.
ഗ്രാമിന് 10 രൂപയാണ് കുറഞ്ഞത്. എന്നാല് ഉച്ചകഴിഞ്ഞതോടെ 50 രൂപ വര്ധിച്ച്, ഗ്രാമിന് 10,000 രൂപ കടന്നു. പവന് 80,880 രൂപയായിരുന്നു ഇന്നലത്തെ വില.
