വിൻവിഷ് ടെക്നോളജീസ് ഡിസൈൻ സെന്റർ ടെക്നോപാർക്കിൽ സ്ഥാപിക്കും
തിരുവനന്തപുരം: ടെക്നോപാർക്ക് ആസ്ഥാനമായ ഇലക്ട്രോണിക്സ്, ഐഒടി, ഒപ്റ്റോ ഇലക്ട്രോണിക്സ് ഉത്പന്ന നിർമാണ കമ്പനിയായ വിൻവിഷ് ടെക്നോളജീസ് 2027 ഓടെ ടെക്നോപാർക്ക് ഫേസ്3-ൽ സ്വന്തം കാമ്പസ് സ്ഥാപിക്കാനൊരുങ്ങുന്നു.1,10,000 ചതുരശ്രയടി വിസ്തീർണത്തിലാണ് യൂണിറ്റ് സ്ഥാപിക്കുക.
ഏകദേശം 500 ജീവനക്കാരെ ഉൾക്കൊള്ളാൻ സാധിക്കും. ടെക്നോപാർക്കിന്റെ ഔദ്യോഗിക വോഡ്കാസ്റ്റായ ‘ആസ്പയർ: സ്റ്റോറീസ് ഓഫ് ഇന്നൊവേഷനി’ൽ വിൻവിഷ് ടെക്നോളജീസ് സിഒഒ പയസ് വർഗീസ് ആണ് ഇക്കാര്യം വ്യക്തമാക്കിയത്.2027 ൽ ടെക്നോപാർക്ക് ഫേസ് 3- ലെയും കിൻഫ്രയിലെയും കാമ്പസുകളുടെ നിർമാണം പൂർത്തിയാക്കാനാണ് ലക്ഷ്യമിടുന്നത്.
