ആധുനിക സൗകര്യങ്ങളോടുകൂടി വന്ദേഭാരത് സ്ലീപ്പർ കോച്ചുകൾ; ചിത്രങ്ങൾ പുറത്ത്

വന്ദേഭാരത് സ്ലീപ്പർ കോച്ചുകളുടെ ചിത്രങ്ങൾ റെയിൽവേ പുറത്തുവിട്ടു. രാജധാനി ട്രെയിനുകൾക്ക് സമാനമായ സൗകര്യങ്ങളോടെയാണ് സ്ലീപ്പർ കോച്ചുകൾ ഒരുക്കിയിരിക്കുന്നു. 800 മുതൽ 1,200 കിലോമീറ്റർ വരെ ദീർഘദൂര രാത്രി യാത്രകൾക്കായി സ്ലീപ്പർ ട്രെയിനുകൾ പരിഗണിക്കുക. പൂർണമായും ശീതികരിച്ച, ആധുനിക സൗകര്യങ്ങളുള്ള വന്ദേഭാരത് ട്രെയിൻ ചെന്നൈയിലെ ഇന്റഗ്രൽ കോച്ച് ഫാക്ടറി (ICF) ഭാരത് എർത്ത് മൂവേഴ്‌സ് ലിമിറ്റഡ് (BEML) സഹകരിച്ച് നിർമ്മിച്ചിരിക്കുന്നു.ജിപിഎസ് അടിസ്ഥാനമാക്കിയുള്ള എൽഇഡി ഡിസ്‌പ്ലേ, ഇന്റഗ്രേറ്റഡ് റീഡിങ് ലൈറ്റ്, വലിയ ലഗേജ് സ്‌പേസ്, ചാർജിങ് സോക്കറ്റുകൾ, കൂട്ടിയിടി തടയാനുള്ള കവച് സംവിധാനം, ഡ്രൈവർ ക്യാബിനുമായി അടിയന്തര സംഭാഷണ സൗകര്യം, ദൃശ്യ വിവര സംവിധാനങ്ങൾ എന്നിവ ഈ കോച്ചുകളിലെ ചില പ്രധാന സൗകര്യങ്ങളാണ്. ബയോ വാക്വം ടോയ്ലറ്റുകൾ, ചൂടുവെള്ള കുളി സൗകര്യം, സിസിടിവി, യാത്രക്കാരൻ അനൗൺസ്‌മെന്റ് സംവിധാനം എന്നിവയും ഉൾപ്പെടുത്തിയിട്ടുണ്ട്. മുകളിലെ ബെർത്തിൽ കയറുന്നതിനായി പ്രത്യേകമായി രൂപകൽപ്പന ചെയ്ത ഗോവണിയും, ദിവ്യാംഗർക്ക് അനുയോജ്യമായ സൗകര്യവും ഉണ്ടാക്കിയാണ് കോച്ചുകൾ സജ്ജമാക്കിയിരിക്കുന്നത്.പതിനാറ് സ്റ്റെയിൻലസ് സ്റ്റീൽ കോച്ചുകളടങ്ങിയ വന്ദേഭാരത് സ്ലീപ്പർ ട്രെയിനിൽ 11 എസി ത്രീ ടയർ, നാല് എസി ടൂ ടയർ, ഒരു ഫസ്റ്റ്ക്ലാസ് എസി കോച്ചും ഉൾപ്പെടുന്നു. 823 യാത്രക്കാരെ ഉൾക്കൊള്ളുന്ന ഈ കോച്ചുകളുടെ നിർമ്മാണ ചെലവ് 12 കോടി രൂപയാണ്.