നോണ്‍സ്റ്റോപ്പ് ഹീറോ പ്ലാൻ അവതരിപ്പിച്ച്‌ വി
ഇന്ത്യയിലെ മുൻനിര ടെലികോം ഓപ്പറേറ്ററായ വി, രാജ്യത്തെ ആദ്യത്തെ ട്രൂലി അണ്‍ലിമിറ്റഡ് ഡാറ്റ പ്ലാൻ കേരളത്തില്‍ അവതരിപ്പിച്ചു.
നോണ്‍സ്റ്റോപ്പ് ഹീറോ എന്ന പേരിലുള്ള ഈ പ്രത്യേക പ്ലാൻ രൂപകല്‍പ്പന ചെയ്തിരിക്കുന്നത് പ്രീപെയ്ഡ് ഉപഭോക്താക്കളുടെ ഡാറ്റ ക്വാട്ട തീർന്നുപോകുന്ന പ്രശ്‌നത്തിനുള്ള പരിഹാരമെന്ന നിലയിലാണ്. മുഴുവൻ വാലിഡിറ്റി കാലയളവിലും നോണ്‍സ്റ്റോപ്പ് ഹീറോ പ്ലാനിലൂടെ തടസമില്ലാത്ത ഡാറ്റ ലഭിക്കും.
കൂടാതെ, 2024-ല്‍ രാജ്യത്തെ ഇന്റർനെറ്റ് വരിക്കാരുടെ എണ്ണം 886 ദശലക്ഷമായി വർധിച്ചു വെന്നും, 2025-ല്‍ ഇത് 900 ദശലക്ഷം കടക്കുമെന്നുമാണ് 2024-ലെ ഐഎഎംഎഐ-കാന്താർ ഇന്റർനെറ്റ് ഇൻ ഇന്ത്യ റിപ്പോർട്ടുകള്‍ വ്യക്തമാകുന്നത്.
2020 മുതല്‍ ഓരോ ഉപയോക്താവിന്റെയും ശരാശരി പ്രതിമാസ ഡാറ്റ ട്രാഫിക് 19.6 സിജിഎആർ ആയി ഉയർന്നിട്ടുണ്ടെന്ന് നോക്കിയയുടെ ഇന്ത്യ ബ്രോഡ്ബാൻഡ് സൂചിക റിപ്പോർട്ട് വ്യക്തമാക്കുന്നു. ഈ സാഹചര്യത്തില്‍ വി നോണ്‍സ്റ്റോപ്പ് ഹീറോ പ്ലാനിന്റെ ലക്ഷ്യം എന്നത് അതിവേഗ കണക്റ്റിവിറ്റിക്കായുള്ള വർധിച്ചുവരുന്ന ആവശ്യകത നിറവേറ്റുകയാണ്.
