യൂണിയൻ ബാങ്ക് ഓഫ് ഇന്ത്യയിൽ 1,500 ലോക്കൽ ബാങ്ക് ഓഫീസർ ഒഴിവുകൾ
യൂണിയന്‍ ബാങ്ക് ഓഫ് ഇന്ത്യ ലോക്കല്‍ ബാങ്ക് ഓഫീസര്‍ തസ്‌തികയ്‌ക്കായുള്ള അപേക്ഷകൾ ക്ഷണിച്ചു. വിവിധ സംസ്ഥാനങ്ങളിലായി 1,500 ഒഴിവുകളാണുള്ളത്. കേരളത്തില്‍ മാത്രം 100 ഒഴിവുകളുണ്ട്. ഇവയില്‍ 15 എണ്ണം പട്ടികജാതി വിഭാഗത്തിനും, 7 എണ്ണം പട്ടികവര്‍ഗ വിഭാഗത്തിനും, 27 എണ്ണം ഒബിസി വിഭാഗത്തിനും, 10 എണ്ണം സാമ്പത്തികമായി പിന്നാക്കം നില്‍ക്കുന്ന വിഭാഗത്തിനും സംവരണം നല്‍കിയിട്ടുണ്ട്.
ശമ്പളം
48,480 രൂപ മുതൽ 85,920 രൂപ വരെ.
പ്രായപരിധി
പ്രായപരിധി 20-30 വയസ്. ഭിന്നശേഷിക്കാര്‍ക്ക് 10 വര്‍ഷവും എസ്.സി/എസ്.ടി വിഭാഗങ്ങള്‍ക്ക് 5 വര്‍ഷവും, ഒബിസി വിഭാഗത്തിന് 3 വര്‍ഷവും പ്രായപരിധിയില്‍ ഇളവ് ലഭിക്കും.
ഫീസ്
പരീക്ഷാ ഫീസ് 850 രൂപ, എസ്.സി., എസ്.ടി. വിഭാഗങ്ങള്‍ക്ക് 177 രൂപ.
യോഗ്യത
കേന്ദ്ര അംഗീകൃത സ്ഥാപനത്തില്‍നിന്നും ഏതെങ്കിലും വിഷയത്തിൽ ഫുൾ ടൈം/റെഗുലർ ബിരുദം പൂർത്തിയാക്കണം.
പരീക്ഷ
ഓണ്‍ലൈനില്‍ ഒബ്ജക്‌ടീവ് മാതൃകയിലുള്ള ചോദ്യങ്ങള്‍; ഓരോ 4 തെറ്റുത്തരത്തിനും നെഗറ്റീവ് മാര്‍ക്ക്. വിജയിച്ചവര്‍ക്ക് പ്രാദേശിക ഭാഷാ പ്രാവിണ്യം തെളിയിക്കുന്ന പരീക്ഷയിൽ കൂടി വിജയിക്കണം.
അപേക്ഷ നടപടികള്‍
www.unionbankindia.co.in വെബ്‌സൈറ്റിൽ നവംബർ 13 ന് മുമ്പ് അപേക്ഷ സമര്‍പ്പിക്കണം.
