ട്രയംഫിന്റെ സ്പീഡ് ടി4: ബ്രിട്ടീഷ് ബൈക്കുകളുടെ പുതിയ മോഡല്‍
ബ്രിട്ടീഷ് മോട്ടോര്‍ സൈക്കിള്‍ ബ്രാന്‍ഡായ ട്രയംഫ്, മോഡേണ്‍ ക്ലാസിക് സ്റ്റൈലിലുള്ള പുതിയ എന്‍ട്രി ലെവല്‍ ബൈക്ക് സ്പീഡ് ടി4 വിപണിയിലെത്തിച്ചു. ഇത് സ്പീഡ് 400ന്റെ സമാനമായ ഡിസൈനില്‍ ചെറിയ വ്യത്യാസങ്ങളോടെയാണ് എത്തിയിരിക്കുന്നത്. 2.17 ലക്ഷം രൂപ മുതലാണ് ഈ പുതിയ മോഡലിന്റെ എക്‌സ് ഷോറൂം വില. 400 സിസി ശ്രേണിയിലെ ഏറ്റവും വിലകുറഞ്ഞ ട്രയംഫ് ബൈക്കായ സ്പീഡ് ടി4, 398 സിസി സിംഗിള്‍ സിലിണ്ടര്‍ എഞ്ചിനാണ് ഉപയോഗിക്കുന്നത്. 7,000 ആര്‍.പി.എമ്മില്‍ 30.6 ബി.എച്ച്.പി കരുത്തും 5,000 ആര്‍.പി.എമ്മില്‍ 36 എന്‍.എം ടോര്‍ക്കും വാഹനത്തിന് ലഭ്യമാകും, ഇത് സിറ്റി റൈഡിംഗിന് കൂടുതല്‍ അനുയോജ്യമാണ്. 6 സ്പീഡ് മാനുവല്‍ ഗിയര്‍ബോക്സും ടി4യില്‍ ഉള്‍പ്പെടുത്തിയിട്ടുണ്ട്. മെറ്റാലിക്ക് വൈറ്റ്, ഫാന്റം ബ്ലാക്ക്, കോക്‌ടൈല്‍ റെഡ് വൈന്‍ എന്നിങ്ങനെ മൂന്ന് നിറങ്ങളില്‍ മോഡല്‍ ലഭ്യമാണ്. സ്പീഡ് 400 മോഡലിന്റെ പരിഷ്കരിച്ച വേര്‍ഷന്‍ കൂടിയും വിപണിയില്‍ എത്തിയിട്ടുണ്ട്, കൂടുതല്‍ നിറങ്ങളുടെയും അപ്‌ഗ്രേഡുകളുടെയും അകമ്പടിയോടുകൂടിയാണ് ഇത് പുറത്തിറക്കിയിരിക്കുന്നത്. ടീ4, റോയല്‍ എന്‍ഫീല്‍ഡ് ഹണ്ടര്‍ 350, ജാവ 42 എഫ്.ജെ തുടങ്ങിയ മോഡലുകളുമായി മത്സരിക്കുമെന്നാണ് വാഹനപ്രേമികള്‍ പ്രതീക്ഷിക്കുന്നത്.
