ഇന്ന് ഒറ്റയടിക്ക് വര്ധിച്ചത് 520 രൂപ! സംസ്ഥാനത്ത് സ്വര്ണവില 96,000ലേക്ക്
കൊച്ചി: സംസ്ഥാനത്ത് സ്വര്ണവിലയുടെ കുതിപ്പ് വീണ്ടും തുടരുകയാണ്. ഇന്നലെ രണ്ട് തവണകളായി 440 രൂപ കുറഞ്ഞെങ്കിലും ഇന്ന് ശക്തമായി തിരിച്ചു കയറിയിരിക്കുകയാണ് സ്വര്ണവില.
ഇന്ന് പവന് 520 രൂപയാണ് വര്ധിച്ചത്. 95,760 രൂപയാണ് ഒരു പവന് സ്വര്ണത്തിന്റെ ഇന്നത്തെ വില. ഗ്രാമിന് ആനുപാതികമായി 65 രൂപയാണ് കൂടിയത്. 11,970 രൂപയാണ് ഒരു ഗ്രാം സ്വര്ണത്തിന്റെ വില.ഒക്ടോബര് 17ന് രേഖപ്പെടുത്തിയ 97,360 രൂപയാണ് സര്വകാല റെക്കോര്ഡ്.ആഗോള വിപണിയിലെ ചലനമാണ് ഇന്ത്യന് വിപണിയില് പ്രതിഫലിക്കുന്നത്.
