എംഎസ്എംഇ മേഖലയ്ക്ക് എളുപ്പവും മതിയായതുമായ വായ്പ ലഭ്യത ഉറപ്പാക്കാന്‍ സ്റ്റേറ്റ് ബാങ്ക് ഓഫ് ഇന്ത്യ
എംഎസ്എംഇ മേഖലയ്ക്ക് എളുപ്പവും മതിയായതുമായ വായ്പ ലഭ്യമാക്കുന്നതിനായി സ്റ്റേറ്റ് ബാങ്ക് ഓഫ് ഇന്ത്യ (SBI) തൽക്ഷണ വായ്പ പദ്ധതിയുടെ പരിധി നിലവിലുള്ള 5 കോടി രൂപയിൽ നിന്ന് ഉയർത്താൻ പദ്ധതിയിടുന്നു.ഈ പദ്ധതിയുടെ മുഖ്യ ലക്ഷ്യം അപേക്ഷയും ഡോക്യുമെന്റേഷൻ പ്രക്രിയയും വേഗത്തിൽ പൂർത്തിയാക്കി, അനുവദിച്ച വായ്പ വളരെ കുറഞ്ഞ സമയത്തിനുള്ളിൽ വിതരണം ചെയ്യുകയാണ്.
“ഞങ്ങളുടെ MSME ശാഖയിലേക്ക് എത്തുന്നവർ അവരുടെ പാൻ നമ്പറും GST ഡാറ്റ സോഴ്സ് ചെയ്യുന്നതിനുള്ള അനുമതിയും നൽകുമെന്നാണെങ്കിൽ, 15-45 മിനിറ്റിനുള്ളിൽ വായ്പ അനുവദിക്കാൻ കഴിയും,” SBI ചെയർമാൻ സി.എസ്. സെറ്റി പറഞ്ഞു. MSME വായ്പാ പ്രക്രിയ ലളിതമാക്കുക എന്നതാണ് ബാങ്കിന്റെ പ്രധാന ഉദ്ദേശം. കൂടാതെ, CGTMSE ഗ്യാരണ്ടിയുടെ പിന്തുണയോടെ വായ്പാ വിതരണം നടത്തും, ഇത് വായ്പയെടുക്കുന്നവരുടെ ജാമ്യം ആവശ്യകത കുറയ്ക്കും. ഈടില്ലാതെ വായ്പ ലഭ്യമാകുന്ന സാഹചര്യത്തിൽ കൂടുതൽ വ്യാപാരികളും ഔപചാരിക വായ്പാ സംവിധാനം ഉപയോഗിക്കാൻ പ്രേരിതരാകും.അനൗപചാരിക വായ്പാ മാർഗങ്ങൾ ഉപയോഗിക്കുന്ന ധാരാളം MSME ഉപഭോക്താക്കളെ ഔപചാരിക ബാങ്കിംഗ് മേഖലയിലേക്ക് എത്തിക്കാനാണ് ശ്രമമെന്നും സെറ്റി കൂട്ടിചേർത്തു.
നെറ്റ്വർക്ക് വികസനത്തിന്റെ ഭാഗമായി, ഇപ്പോഴത്തെ സാമ്പത്തിക വർഷം രാജ്യവ്യാപകമായി 600 ശാഖകൾ തുറക്കാനുള്ള പദ്ധതി SBIക്ക് ഉണ്ടെന്ന് സെറ്റി കൂട്ടിച്ചേർത്തു. “ഞങ്ങൾ ശക്തമായ ബ്രാഞ്ച് വികസന പദ്ധതികൾ ആസൂത്രണം ചെയ്യുന്നു, ഇത് പ്രധാനമായും ഉയർന്ന് വരുന്ന മേഖലയിലാണ് ശ്രദ്ധ കേന്ദ്രീകരിക്കുന്നത്. ഈ വർഷം 600 പുതിയ ശാഖകൾ തുറക്കാൻ പദ്ധതിയിടുന്നു,” സെറ്റി പറഞ്ഞു.
