പുത്തന്‍ ലുക്കില്‍ റീലോഞ്ചിനൊരുങ്ങി ടാറ്റ സിയേറ
മാറ്റങ്ങളോടെ പുതിയ സിയേറ എസ്‌യുവി വീണ്ടും നിരത്തിലിറക്കാന്‍ ടാറ്റ. ജനുവരിയില്‍ ഭാരത് മൊബിലിറ്റി ഗ്ലോബല്‍ എക്‌സ്‌പോയില്‍ ടാറ്റ പുതിയ സിയേറ പ്രദര്‍ശിപ്പിച്ചിരുന്നു. പ്രീമിയം ഇന്റീരിയറുമായി വീണ്ടും വിപണിയില്‍ എത്താന്‍ ഒരുങ്ങുന്ന വാഹനം റീലോഞ്ച് ചെയ്യുന്ന ദിവസം വ്യക്തമാക്കിയില്ലെങ്കിലും ഈ വര്‍ഷം ദീപാവലിയോടെ എത്തുമെന്നാണ് പ്രതീക്ഷ. പുതിയ സിയേറ ഇലക്ട്രിക്, പെട്രോള്‍, ഡീസല്‍ എന്നീ വേരിയന്റുകളിലാണ് എത്തുക. ഇതില്‍ ഇവിയുടെ വിശദാംശങ്ങള്‍ ഒന്നും പുറത്തുവന്നിട്ടില്ല. കാറിന് ഓട്ടോമാറ്റിക് മാനുവല്‍ ഗിയര്‍ ബോക്‌സ് ഓപ്ഷനുകളും ലഭ്യമാകും.
1.5 ലിറ്റര്‍ പെട്രോള്‍, 2.0 ഡീസല്‍ എഞ്ചിനുകളാണ് സിയേറക്ക് നല്‍കുമെന്ന് പ്രതീക്ഷിക്കുന്നത്. ഒന്ന് ടാറ്റ നെക്‌സോണില്‍ നിന്നും 2.0 ലിറ്റര്‍ മള്‍ടിജെറ്റ് എഞ്ചിന്‍ ഹാരിയറില്‍ നിന്നുമായിരിക്കും എന്നാണ് സൂചന. 91 എച്ച്പി കരുത്തും പരമാവധി 186 എന്‍എം ടോര്‍ക്കും പുറത്തെടുക്കാന്‍ കഴിവുള്ള എന്‍ഞ്ചിനാണത്. ഇലക്ട്രിക് വേരിയന്റിന് വ്യക്തസ്ത ബാറ്ററി ഓപ്ഷന്‍സും നല്‍കിയിട്ടുണ്ട്.ബോക്‌സി ഡിസൈനിലാണ് സിയേറ ലോഞ്ച് ചെയ്യുക. ഫുള്‍ വിഡ്ത് എല്‍ഇഡി സ്ട്രിപ്‌സും സീക്വന്‍ഷ്യല്‍ എല്‍ഇഡി ടേര്‍ണ്‍ ഇന്‍ഡിക്കേറ്ററും നല്‍കിയിട്ടുണ്ട്.
