സംസ്ഥാനത്ത് 57 എംഡിആര്‍ടി യോഗ്യത; നേടിയ ഏജന്‍റുമാരുമായി ടാറ്റ എഐഎ
കൊച്ചി: ഇന്ത്യയിലെ മുൻനിര ലൈഫ് ഇൻഷുറൻസ് കമ്പനികളിലൊന്നായ ടാറ്റ എഐഎ ലൈഫ് ഇൻഷുറൻസ് കമ്പനി ലിമിറ്റഡ് കേരളത്തില്‍ മില്യണ്‍ ഡോളർ റൗണ്ട് ടേബിള്‍ (എംഡിആർടി) യോഗ്യത നേടിയ 57 ഉപദേശകരെ രജിസ്റ്റർ ചെയ്തു.2025 ലെ ആഗോള എംഡിആർടി റാങ്കിംഗ് പ്രകാരം, 12 ഉപദേശകർ കേരളത്തില്‍ നിന്ന് എംഡിആർടി പദവിക്ക് അർഹത നേടിയിട്ടുണ്ട്. ലൈഫ് ഇൻഷുറൻസ്, ധനകാര്യ സേവന മേഖലകളിലെ പ്രൊഫഷണലുകള്‍ക്ക് ലോകമെമ്പാടും ഏറ്റവും കൂടിയ മാനദണ്ഡമായി കണക്കാക്കപ്പെടുന്നതാണ് എംഡിആർടി അംഗത്വം.
2025 ലെ ആഗോള എംഡിആർടി റാങ്കിംഗ് പ്രകാരം, തുടർച്ചയായ മൂന്നാം വർഷവും രാജ്യത്ത് ഏറ്റവും കൂടുതല്‍ എംഡിആർടി യോഗ്യത നേടിയ ഉപദേശകരെ രജിസ്റ്റർ ചെയ്തുകൊണ്ട് ടാറ്റ എഐഎ ഒന്നാം സ്ഥാനം നിലനിര്‍ത്തി. കൂടാതെ നാലാം റാങ്കും ആഗോളതലത്തില്‍ കമ്പനി കരസ്ഥമാക്കി. ഇപ്പോള്‍ രാജ്യത്ത് ടാറ്റ എഐഎയുടെ കീഴില്‍ 2871 എംഡിആർടി യോഗ്യത നേടിയവരുണ്ട്. 11 ശതമാനം വളർച്ചയാണ് മുൻവർഷത്തെ അപേക്ഷിച്ച്‌ ഇതില്‍ ഉണ്ടായിട്ടുള്ളത്.ടാറ്റ എഐഎയുടെ ആകെ എംഡിആർടി അംഗങ്ങളില്‍ 1343 പേർ സ്ത്രീകളാണ്. വനിതാ അംഗത്വത്തിന്‍റെ കാര്യത്തില്‍ ആഗോള തലത്തില്‍ മികച്ചു നില്‍ക്കുന്ന 25 കമ്പനികളില്‍ ഏഴാം സ്ഥാനത്താണ് ടാറ്റ എഐഎ. എംഡിആർടി യോഗ്യത നേടിയ സ്ത്രീകളുടെ എണ്ണത്തില്‍ 8.5 ശതമാനം വളർച്ചയാണ് രേഖപ്പെടുത്തിയിട്ടുള്ളത്.
ധനകാര്യ മേഖലയില്‍ സ്ത്രീകളെ ശാക്തീകരിക്കാനുള്ള ടാറ്റ എഐഎയുടെ തുടർച്ചയായ ശ്രമങ്ങളെയാണ് ഇത് എടുത്തുകാട്ടുന്നത്.എംഡിആർടി റാങ്കിംഗില്‍ ആഗോളതലത്തില്‍ നാലാം സ്ഥാനം നേടിയതും ഇന്ത്യയില്‍ വ്യവസായത്തെ മുന്നില്‍ നിന്ന് നയിക്കുന്നത് തുടരുന്നതും ടാറ്റ എഐഎയ്ക്കുള്ള ഏറ്റവും വലിയ ബഹുമതിയാണെന്നും ഈ നാഴികക്കല്ല് ഞങ്ങളുടെ പ്രീമിയർ ഏജൻസി മോഡലിന്‍റെ വിജയത്തിനും ഞങ്ങളുടെ ഉപദേശകരുടെ പ്രതിബദ്ധതയ്ക്കും തെളിവാണെന്നും ടാറ്റ എഐഎയുടെ ചീഫ് ഡിസ്ട്രിബ്യൂഷൻ ഓഫീസർ-പ്രൊപ്രൈറ്ററി ബിസിനസ്, അലൈഡ് ചാനലുകള്‍, ഏജൻസി സെയില്‍സ്, അമിത് ദവെ വ്യക്തമാക്കി
