ഉത്രാടദിനത്തിൽ വിലക്കുറവുമായി സപ്ലൈകോ
കൊച്ചി: ഉത്രാടദിനത്തോടനുബന്ധിച്ച് സപ്ലൈകോയിൽ ഇന്ന് വിലക്കുറവ്. ഓണത്തോട് അനുബന്ധിച്ച് സപ്ലൈകോ നിലവിൽ നൽകുന്ന ഓഫറിനും വിലക്കുറവിനും പുറമേയാണ് തിരഞ്ഞെടുത്ത സബ്സിഡി ഇതര സാധനങ്ങൾക്ക് ഉത്രാടദിനമായ ഇന്ന് 10% വരെ വിലക്കുറവ്.
അരി, എണ്ണ, സോപ്പ്, നെയ്യ്, ഡിറ്റർജന്റുകൾ, ശബരി ഉൽപന്നങ്ങൾ എന്നിവയ്ക്ക് അധിക വിലക്കുറവ് ലഭിക്കും. സപ്ലൈകോ ഓണച്ചന്തകൾക്ക് പുറമേ മാവേലി സ്റ്റോർ, സൂപ്പർ മാർക്കറ്റുകൾ, മാവേലി സൂപ്പർ സ്റ്റോർ തുടങ്ങിയ എല്ലാ വിൽപനശാലകളിലും ഉത്രാടദിന വിലക്കുറവ് ലഭ്യമാണ്.
13 ഇന സബ്സിഡി സാധനങ്ങളും പ്രമുഖ കമ്പനികളുടെ നിത്യോപയോഗ ബ്രാൻഡഡ് ഉൽപന്നങ്ങളും സപ്ലൈകോ ഔട്ലെറ്റുകളിലും ഓണച്ചന്തകളിലും ലഭിക്കും.
