‘ഫ്ളൈറ്റ്സ്’ അവതരിപ്പിച്ച്‌ സൂപ്പര്‍.മണി
കൊച്ചി: ‘ഫ്ളൈറ്റ്സ്’ ആരംഭിച്ച് സൂപ്പർ.മണി. ഇന്ത്യയിലെ യുപിഐ-ഫസ്റ്റ് പ്ലാറ്റ്‌ഫോമുകളിലൊന്നായ സൂപ്പർ.മണി, പുതുതലമുറ യാത്രക്കാരെ ലക്ഷ്യംവച്ചുള്ള ഫ്ളൈറ്റ് ബുക്കിംഗ് സേവനമാണ് ആരംഭിച്ചത്.കൂടുതല്‍ റിവാർഡുകള്‍ ലഭിക്കുന്ന ഈ സേവനം ക്ലിയർട്രിപ്പ് വഴിയാണ് നടപ്പാക്കുന്നത്. ഇത് യുപിഐ വഴി ആഭ്യന്തര വിമാനങ്ങള്‍ സുഗമമായി ബുക്ക് ചെയ്യാൻ ഉപയോക്താക്കളെ സഹായിക്കുന്നു.
കൂടാതെ മറ്റ് ഓഫറുകള്‍ക്ക് പുറമെ 5% കൂടുതല്‍ ആനുകൂല്യം കൂടി ഇത് നല്‍കുന്നു.’ഫ്ളൈറ്റ്സ്’ വഴി, യുപിഐ ഉപയോഗിച്ചുള്ള യാത്രാ ബുക്കിംഗുകള്‍ക്ക് കിട്ടാവുന്ന മൂല്യം നേരിട്ട് ലഭ്യമാക്കുകയാണ് ചെയ്യുന്നതെന്ന് സൂപ്പർ.
മണിയുടെ സ്ഥാപകനും സിഇഒയുമായ പ്രകാശ് സിക്കാരിയ വ്യക്തമാക്കി. 2024ലെ ഐഎംഎഫ് റിപോർട്ടുകളിൽ ഇന്ത്യയിലെ 85% ഡിജിറ്റല്‍ ഇടപാടുകളും യുപിഐ വഴിയാണ് നടക്കുന്നത് എന്ന് സൂചിപ്പിക്കുന്നു. പുതുതലമുറ ആഗ്രഹിക്കുന്ന തരത്തില്‍ പേയ്‌മെന്റുകള്‍ക്ക് സുഗമമാക്കുകയാണ് സൂപ്പർ.മണി ചെയ്യുന്നത്.
