173 കോടി സമാഹരിച്ച് സ്റ്റേബിള്‍ മണി
കൊച്ചി: ഇന്ത്യയിലെ ആദ്യ ഡിജിറ്റല്‍ ഫിക്‌സഡ് ഡെപ്പോസിറ്റ് നിക്ഷേപ പ്ലാറ്റ്‌ഫോമായ സ്റ്റേബിള്‍ മണി സീരീസ് ബി ഫണ്ടിംഗ് റൗണ്ടിലൂടെ 173 കോടി രൂപ സമാഹരിച്ചു.ഇതിനോടനുബന്ധിച്ച് ഉപഭോക്താക്കള്‍ക്ക് സേവിംഗ്‌സ് അക്കൗണ്ടില്ലാതെ 9.1 ശതമാനം വരെ പലിശ, തത്ക്ഷണ പിന്‍വലിക്കലുകള്‍, ആര്‍ബിഐ പിന്തുണയോടെ അഞ്ചു ലക്ഷം വരെയുള്ള ഡിഐസിജിസി ഇന്‍ഷ്വറന്‍സ് എന്നീ സേവനങ്ങള്‍ ലഭ്യമാണെന്ന് സ്റ്റേബിള്‍ മണി അധികൃതര്‍ അറിയിച്ചു.12 ശതമാനംവരെ സ്ഥിര വളര്‍ച്ച കൈവരിക്കുന്ന സ്റ്റേബിള്‍ മണിക്ക് രാജ്യത്തൊട്ടാകെ 20 ലക്ഷത്തിലധികം ഉപയോക്താക്കളും കേരളത്തില്‍ 1.2 കോടി എഫ്ഡികളുമാണുള്ളത്.
