ഏറ്റവും ശക്തവും ചെലവേറിയതുമായ ഗെയിമിംഗ് കൺസോളുമായി സോണി
സോണി ജനപ്രിയ ഗെയിമിങ് കൺസോളായ പ്ലേസ്റ്റേഷൻ 5 പ്രോയുടെ ഏറ്റവും പുതിയ, നവീകരിച്ച പതിപ്പ് അവതരിപ്പിച്ചു. മെച്ചപ്പെട്ട റേ-ട്രേസിങ്, AI അപ്‌സ്‌കേലിങ് എന്നിവയ്ക്ക് പിന്തുണയുള്ള പുതിയ ഗ്രാഫിക്‌സ് ചിപ്പ് ഇതിൽ ഉൾപ്പെടുത്തിയിട്ടുണ്ട്. 699.99 ഡോളർ (ഏകദേശം 58,755 രൂപ) വിലയുള്ള ഈ കൺസോൾ തിരഞ്ഞെടുത്ത രാജ്യങ്ങളിൽ നവംബർ 7 മുതൽ വിൽപ്പനയ്‌ക്ക് ലഭ്യമായിരിക്കും. ഇന്ത്യയിലെ വിലയും ലഭ്യതയും സോണി ഇതുവരെ അറിയിച്ചിട്ടില്ല.
പ്രധാന ഫീച്ചറുകൾ:
∙ മെച്ചപ്പെട്ട റേ-ട്രേസിങ്: ഗെയിമുകളിൽ കൂടുതൽ യഥാർത്ഥവും നിഴൽ-പ്രഭയോടുകൂടിയതുമായ ലൈറ്റിംഗ് അനുഭവം ലഭ്യമാകും.
∙ പ്ലേസ്റ്റേഷൻ സ്പെക്ട്രൽ സൂപ്പർ റെസല്യൂഷൻ: AI ഉപയോഗിച്ച് മെച്ചപ്പെടുത്തപ്പെട്ട റെസല്യൂഷൻ.
∙ ഉയർന്ന ഫ്രെയിം റേറ്റുകൾ: ലാഗ് കുറവുള്ള സുഗമമായ ഗെയിംപ്ലേ അനുഭവം.
∙ 2TB SSD: കൂടുതൽ ഗെയിമുകൾ സൂക്ഷിക്കാനും വേഗതയേറിയ ലോഡിംഗ് സമയവും ആസ്വദിക്കാനും കഴിയും.
