2024- ൽ റെക്കോർഡുകൾ തകർത്ത് റോയൽ എൻഫീൽഡ് വിൽപ്പന; 8.5 ലക്ഷം യൂണിറ്റുകൾ വിറ്റഴിച്ചു
ലോകമെമ്പാടും ഐക്കണിക് ബ്രാൻഡായ റോയൽ എൻഫീൽഡിന് നിരവധി ആരാധകരുണ്ട്. ഇന്ത്യയിൽ മാത്രമല്ല, വിദേശത്തും ഈ മോട്ടോർസൈക്കിളുകൾക്ക് വലിയ ക്ഷണം ഉള്ളതിനാൽ, 2024-ൽ കമ്പനി ഇന്ത്യയിൽ മികച്ച വിൽപ്പനയാണ് കൈവരിച്ചത്. 2023-ലെ വിൽപ്പന റെക്കോർഡുകൾ മറികടന്ന്, 2024-ൽ റോയൽ എൻഫീൽഡ് 8,57,378 യൂണിറ്റുകൾ വിറ്റഴിച്ചു. ഇത് 2023-ൽ വിറ്റ 8,22,295 യൂണിറ്റുകളേക്കാൾ നാല് ശതമാനം കൂടുതലാണ്.കമ്പനിയുടെ 350 സിസി മോഡലുകൾ അതിന്റെ വിൽപ്പനയുടെ പ്രധാന ഭാഗം നിറവേറ്റി. സിയാം (SIAM) ഇൻഡസ്ട്രി ഡാറ്റ അനുസരിച്ച്, 2024 ഏപ്രിൽ മുതൽ നവംബർ വരെ 5,25,568 യൂണിറ്റുകൾ വിറ്റഴിച്ച്, 2023-ലെ സമാന കാലയളവിനെ അപേക്ഷിച്ച് 0.05 ശതമാനം വളർച്ച കൈവരിച്ചു. ബുള്ളറ്റ് 350, ക്ലാസിക് 350 തുടങ്ങിയ മോഡലുകൾ ഈ വിഭാഗത്തിൽ ശ്രദ്ധേയമാണ്.350-500 സിസി സെഗ്മെന്റിൽ, 27,420 യൂണിറ്റുകൾ വിറ്റഴിച്ച റോയൽ എൻഫീൽഡ്, ബജാജ് ഓട്ടോയുടെ കടുത്ത മത്സരത്തെ നേരിടുകയാണ്. ബജാജ് ഈ വിഭാഗത്തിൽ 44,491 യൂണിറ്റുകൾ വിറ്റഴിച്ച് 51 ശതമാനം വിപണി വിഹിതം നേടിയപ്പോൾ, 56 ശതമാനം വളർച്ച കൈവരിച്ചു. എന്നാൽ, റോയൽ എൻഫീൽഡ് 500-800 സിസി വിഭാഗത്തിൽ 33,152 യൂണിറ്റുകൾ വിറ്റഴിച്ച് 47 ശതമാനം വളർച്ച നേടി.റോയൽ എൻഫീൽഡിന്റെ വിൽപ്പന ചരിത്രം നോക്കിയാൽ, 2024-ൽ എട്ട് ലക്ഷം യൂണിറ്റുകൾ വിറ്റഴിച്ച മൂന്നാമത്തെ വർഷമാണ് ഇത്. 2018-ലെ 8,37,669 യൂണിറ്റുകളുടെ റെക്കോർഡ് മറികടന്ന്, 2024-ൽ 8,57,378 യൂണിറ്റുകളാണ് കമ്പനി വിറ്റത്. ഈ നേട്ടം റോയൽ എൻഫീൽഡിന് ഒരുപടി മുന്നിലേക്ക് എന്നതിൽ സംശയമില്ല.
