റോയല്‍ എന്‍ഫീല്‍ഡ് ക്ലാസിക് 350; പുതിയ ബോബര്‍ ലുക്കില്‍ റെട്രോ ഫീച്ചറുകളുമായി നിരത്തിലേക്ക്
റോയൽ എൻഫീൽഡ് പുതിയ ബോബർ മോഡലായ ഗോവൻ ക്ലാസിക് 350 അവതരിപ്പിച്ചു. ക്ലാസിക് 350 മോഡലിനെ അടിസ്ഥാനമാക്കി ബോബർ രൂപകൽപ്പനയിലേക്ക് മാറ്റിയാണ് ഈ വാഹനത്തിന്റെ വരവ്. ഏറെ പ്രശസ്തമായ ജെ പ്ലാറ്റ്‌ഫോമിൽ നിർമ്മിച്ച ഈ മോഡൽ മിറ്റിയോർ 350, ഹണ്ടർ, ക്ലാസിക്, ബുള്ളറ്റ് എന്നിവയിലേതിന് സമാനമാണ്. തികച്ചും വ്യത്യസ്തമായ പെയിന്റ് സ്‌കീമും, സവിശേഷ ലുക്കിനുള്ള ഡിസൈനുകളും ഗോവൻ ക്ലാസിക്കിന് നൽകിയിട്ടുണ്ട്.
ഡിസൈനിലും സവിശേഷതകളിലും മാറ്റങ്ങൾ
റെട്രോ സ്റ്റൈൽ ലുക്കിനായി റൗണ്ട് രൂപത്തിലുള്ള ഹെഡ്‌ലാമ്പുകൾ ഉൾപ്പെടുത്തിയിട്ടുണ്ട്, അതോടൊപ്പം ഹെഡ്‌ലാമ്പുകളും ഇൻഡിക്കേറ്ററുകളും മുഴുവൻ എൽ.ഇ.ഡി ടെയ്ക്ക് അപ് ചെയ്തിരിക്കുന്നു. വാഹനത്തിന് ഒരാൾക്ക് മാത്രം ഇരിക്കാവുന്ന സിംഗിൾ സീറ്റ് ലേ ഔട്ടാണ് ഒരുക്കിയിട്ടുള്ളത്. ഇഷ്ടപ്പെടുന്നവർക്ക് സീറ്റ് കൂട്ടിച്ചേർക്കാനുള്ള സൗകര്യവും ലഭ്യമാക്കുമെന്ന് കമ്പനി വ്യക്തമാക്കിയിട്ടുണ്ട്. ഡ്രൈവിംഗ് കൂടുതൽ സൗകര്യപ്രദമാക്കാൻ യു-ഷേപ്പ് ഹാൻഡിൽ ബാറുകളും മികച്ച നിലയിൽ ക്രമീകരിച്ച ഫുട്പെഗ്ഗുകളും നൽകിയിട്ടുണ്ട്. സീറ്റിന്റെ ഉയരം 750 എം.എം ആയി കുറച്ചത് ബോബർ ലുക്കിന് കൂടുതൽ ഭംഗി കൂട്ടുന്നു. 170 എം.എം ഗ്രൗണ്ട് ക്ലിയറൻസ് വാഹനത്തിന് മെച്ചപ്പെട്ട സ്ഥിരത നൽകുന്നു.
എഞ്ചിനിലും സസ്‌പെൻഷനിലും പുതുമകൾ
346 സിസി സിംഗിൾ സിലിണ്ടർ എയർ ആൻഡ് ഓയിൽ കൂളഡ് എഞ്ചിനാണ് ഈ മോഡലിലും നിലനിൽക്കുന്നത്. 6,100 ആർ.പി.എമ്മിൽ 19.72 ബി.എച്ച്.പി കരുത്തും 4,000 ആർ.പി.എമ്മിൽ 27 എൻ.എം ടോർക്കും ഈ എഞ്ചിൻ ഉത്പാദിപ്പിക്കുന്നു. 5 സ്പീഡ് ഗിയർബോക്സ് പതിവുപോലെ തുടരുന്നു. വൈകി സമാനമായ എഞ്ചിനാണെങ്കിലും വ്യത്യസ്തമായ സസ്‌പെൻഷൻ സെറ്റിംഗാണ് ഗോവൻ ക്ലാസിക് 350യിൽ ഉൾപ്പെടുത്തിയിരിക്കുന്നത്. മുൻ ഭാഗത്ത് 19 ഇഞ്ച് വീലുകളും പിന്നിൽ 16 ഇഞ്ച് ട്യൂബ്‌ലെസ് സ്‌പോക്ക് വീലുകളും ഇതിന് സജ്ജീകരിച്ചിരിക്കുന്നു.
പഴയ ലുക്ക്, പുതിയ ഫീച്ചറുകൾ
എൽ.ഇ.ഡി ലൈറ്റുകൾക്കു പുറമെ, ഡ്യുവൽ ചാനൽ എ.ബി.എസ്, ഫ്യൂവൽ ഗേജ്, ഓഡോ മീറ്റർ എന്നിവയ്ക്കായി എൽ.സി.ഡി സ്‌ക്രീൻ, അഡ്ജസ്റ്റബിള്‍ ബ്രേക്ക്, ക്ലച്ച് ലിവറുകൾ തുടങ്ങിയ ഫീച്ചറുകളും വാഹനത്തിൽ ഉൾപ്പെടുത്തിയിട്ടുണ്ട്. ജാവ 42 ബോബർ, ജാവ പെരാക്ക് മോഡലുകളോടാണ് ഗോവൻ ക്ലാസിക് 350യുടെ പ്രധാന മത്സരം. ഏകദേശം ₹2.32 ലക്ഷം എക്‌സ്‌ഷോറൂം വിലയാണ് ഈ പുതിയ മോഡലിനായുള്ളത്.
