ഉക്രേനിയന്‍ സൈനികരോട് കീഴടങ്ങാന്‍ പുടിന്‍
കുര്‍സ്‌ക് മേഖലയിലെ ഉക്രേനിയന്‍ സൈനികരോട് കീഴടങ്ങാന്‍ റഷ്യന്‍ പ്രസിഡന്റ് വ്ളാഡിമിര്‍ പുടിന്‍. അവര്‍ക്ക് സുരക്ഷയും മാനുഷിക പരിഗണനയും വാഗ്ദാനം ചെയ്തു.
വെടിനിര്‍ത്തല്‍ ചര്‍ച്ചകളെ റഷ്യ മനഃപൂര്‍വ്വം ദുര്‍ബലപ്പെടുത്തുന്നുവെന്ന് ഉക്രേനിയന്‍ പ്രസിഡന്റ് വോളോഡിമര്‍ സെലെന്‍സ്‌കി ആരോപിച്ചപ്പോഴാണ് പുടിന്റെ നിര്‍ദ്ദേശം. അതേസമയം, യുഎസ് പ്രസിഡന്റ് ഡൊണാള്‍ഡ് ട്രംപ്, വികസിച്ചുകൊണ്ടിരിക്കുന്ന മാനുഷിക പ്രതിസന്ധിയെക്കുറിച്ച് മുന്നറിയിപ്പ് നല്‍കി.
ഉക്രേനിയന്‍ സൈനികരെ ഒഴിവാക്കണമെന്ന് ട്രംപ് പുടിനോട് ആവശ്യപ്പെട്ടു. ട്രൂത്ത് സോഷ്യലിലെ ഒരു പ്രസ്താവനയില്‍ ട്രംപ് ഉക്രേനിയന്‍ സൈനികരെ പൂര്‍ണമായും റഷ്യന്‍ സൈന്യം വളഞ്ഞിരിക്കുന്നതായും പറഞ്ഞു.
