പേടിഎമ്മിന്റെ നഷ്ടം 545 കോടി രൂപയായി കുറഞ്ഞു
പേടിഎമ്മിന്റെ മാതൃ കമ്പനിയായ വൺ 97 കമ്മ്യൂണിക്കേഷൻസിന്റെ മാർച്ച് പാദത്തിലെ നഷ്ടം 545 കോടി രൂപയായി താഴ്ന്നു. ഇതേ കാലയളവിൽ കഴിഞ്ഞ വർഷം കമ്പനിയുടെ നഷ്ടം 551 കോടി രൂപയായിരുന്നു. കഴിഞ്ഞ സാമ്പത്തിക വർഷത്തിലെ ഇതേ പാദത്തിൽ 2,267.1 കോടി രൂപയായിരുന്ന കമ്പനിയുടെ പ്രവർത്തനങ്ങളിൽ നിന്നുള്ള വരുമാനം ഈ പാദത്തിൽ 15.7 ശതമാനം ഇടിഞ്ഞ് 1,911.5 കോടി രൂപയായി.
അതെസമയം 2025 സാമ്പത്തിക വർഷത്തിൽ, കമ്പനിയുടെ നഷ്ടം പകുതിയിലധികം കുറഞ്ഞ് 645.2 കോടി രൂപയായി. പ്രവർത്തനങ്ങളിൽ നിന്നുള്ള വരുമാനം ഏകദേശം 31 ശതമാനം കുറഞ്ഞ് 9,977.8 കോടി രൂപയിൽ നിന്ന് 6,900 കോടി രൂപയായി മാറി.
