യുഎസ് കമ്പനിയിൽ നിക്ഷേപം ഇറക്കി ഒയോ
ട്രാവല്‍ ടെക് യൂനികോണ്‍, യുഎസിലെ ജി6 ഹോസ്പിറ്റാലിറ്റിയുടെ ഡിജിറ്റല്‍ ആസ്തികള്‍ വികസിപ്പിക്കാനായി 10 മില്യണ്‍ ഡോളര്‍ നിക്ഷേപിക്കാനുള്ള പദ്ധതിയുമായി ഓയോ മുന്നോട്ടുവന്നു.
യുഎസിലെ വിപുലീകരണത്തിന്‍റെ ഭാഗമായാണ് ഒയോ ബ്ളാക്ക്സ്റ്റോണ്‍ റിയല്‍ എസ്റ്റേറ്റ് നിന്ന് ഐക്കണിക് അമേരിക്കന്‍ ബജറ്റ് ഹോട്ടല്‍ ബ്രാന്‍ഡുകളായ മോട്ടല്‍ 6, സ്റ്റുഡിയോ 6 എന്നിവ സ്വന്തമാക്കിയത്.2025-ആളില്‍ 150-ലധികം ഹോട്ടലുകള്‍ മോട്ടല്‍ 6, സ്റ്റുഡിയോ 6 ബ്രാന്‍ഡുകളുടെ കീഴില്‍ ചേര്‍ക്കാനുള്ള ലക്ഷ്യത്തോടെ, ജി6 ഹോസ്പിറ്റാലിറ്റിയുടെ വികസന പ്രക്രിയ വേഗത്തിലാക്കാനുള്ള ശ്രമത്തിലാണ് കമ്പനി.ഈ വിപുലീകരണം ടെക്സസ്, കാലിഫോര്‍ണിയ, ജോര്‍ജിയ, അരിസോണ തുടങ്ങിയ പ്രധാന വിപണികളില്‍ ബ്രാന്‍ഡുകളുടെ സാന്നിധ്യം വര്‍ദ്ധിപ്പിക്കുമെന്നാണ് പ്രതീക്ഷിക്കുന്നത്.
“മോട്ടല്‍ 6 വെബ്സൈറ്റും മൈ6 ആപ്പും വികസിപ്പിക്കുന്നതിനാണ് ഞങ്ങളുടെ ശ്രദ്ധ കേന്ദ്രീകരിക്കുന്നത്. വേനല്‍ക്കാലം ആരംഭിക്കുന്നതിന് മുമ്പ് ആപ്പ് ഇന്‍സ്റ്റാളേഷനുകള്‍ 4 മടങ്ങ് വര്‍ധിപ്പിക്കാന്‍ ഞങ്ങള്‍ ലക്ഷ്യമിടുന്നു. ഗൂഗിള്‍, മൈക്രോസോഫ്റ്റ് പോലുള്ള പ്രധാന ഡിജിറ്റല്‍ പ്ലാറ്റ്ഫോമുകളുമായി നേരിട്ടുള്ള പങ്കാളിത്തത്തിലൂടെ ഉദ്ദേശിക്കുന്ന ഉപഭോക്താക്കളെ ലക്ഷ്യമിട്ട് കൂടുതല്‍ ഡിജിറ്റല്‍ ടാര്‍ഗെറ്റിംഗ് തന്ത്രങ്ങള്‍ ഉപയോഗിക്കും,” ഒയോയുടെ പ്രസ്താവനയില്‍ പറയുന്നു.
ഉപഭോക്താക്കളെ ശ്രേഷ്ഠമായി ലക്ഷ്യമിടുന്ന ടാര്‍ഗെറ്റുചെയ്ത ഡിജിറ്റല്‍ പ്രചരണങ്ങള്‍ക്കായി ഈ നിക്ഷേപം സഹായകമാകും. യുഎസിലും കാനഡയിലും വസ്തുക്കളുടെ ശൃംഖലയിലുടനീളം സാങ്കേതിക കഴിവുകള്‍ മെച്ചപ്പെടുത്താനായി, ഹോസ്പിറ്റാലിറ്റി ടെക്നോളജി പ്രൊവൈഡര്‍ ഹോട്ടല്‍കീയുമായി ജി6 ഹോസ്പിറ്റാലിറ്റി അടുത്തിടെ ഒരു തന്ത്രപരമായ സഹകരണം പ്രഖ്യാപിച്ചു.
