ലോക സമ്പന്നൻ മസ്ക്, ഇന്ത്യയിലെ അതിസമ്പന്നൻ അംബാനി, കേരളത്തിൽ നിന്ന് യൂസഫലിയും

ലോകത്തെ ഏറ്റവും സമ്പന്നരായ 500 പേരുടെ പട്ടിക ബ്ലൂംബെർഗ് പ്രസിദ്ധീകരിച്ചിട്ടുണ്ട്, അതിൽ 263 ബില്യൺ ഡോളറിന്റെ ആസ്തിയോടെ ഇലോൺ മസ്ക് ഏറ്റവും വലിയ സമ്പന്നനായി മുന്നിൽ നിൽക്കുന്നു. മെറ്റയുടെ മേധാവിയായ മാർക്ക് സക്കർബർഗ്, 211 ബില്യൺ ഡോളറിന്റെ ആസ്തിയോടെ, ആമസോൺ സ്ഥാപകനായ ജെഫ് ബെസോസിനെ പിന്നിലാക്കിക്കൊണ്ട് രണ്ടാം സ്ഥാനത്ത് എത്തി. ബെസോസിന് 209 ബില്യൺ ഡോളറാണ് ആസ്തി.

ഫ്രഞ്ച് ആഡംബര ഫാഷൻ ബ്രാൻഡ് എൽവിഎംഎച്ചിന്റെ മേധാവി ബെർണാഡ് അർണോ, 193 ബില്യൺ ഡോളറിന്റെ ആസ്തിയോടെ, പട്ടികയിലെ നാലാം സ്ഥാനത്ത് സ്ഥാനം പിടിച്ചു.ആദ്യ നൂറ് പേരിൽ 59 പേർ യുഎസ്, ഇന്ത്യ, ചൈന എന്നീ രാജ്യങ്ങളിൽ നിന്നുള്ളവരാണ്. യുഎസിൽ നിന്ന് 35 പേരും ഇന്ത്യയും ചൈനയും ഓരോ 12 പേരും ഈ പട്ടികയിൽ ഇടം നേടി. 105 ബില്യൺ ഡോളറിന്റെ ആസ്തിയോടെ പതിനാലാം സ്ഥാനത്ത് സ്ഥാനം നേടിയ മുകേഷ് അംബാനി ഇന്ത്യയിൽ നിന്ന് മുന്നിലുള്ളവനാണ്. 99.5 ബില്യൺ ഡോളറോടെ ഗൗതം അദാനി പതിനെട്ടാം സ്ഥാനത്താണ്.

പട്ടികയിൽ ഇടം നേടിയ ഒരേയൊരു മലയാളിയായ ലുലു ഗ്രൂപ്പ് ചെയർമാൻ എം.എ യൂസഫലി, 6.45 ബില്യൺ ഡോളറിന്റെ ആസ്തിയോടെ 487ാം സ്ഥാനത്താണ്. 41 ബില്യൺ ഡോളർ ആസ്തിയുള്ള എച്ച്സിഎൽ സ്ഥാപകനായ ശിവ് നാടാർ 37ആമതും, ടാറ്റാ സൺസ് മേധാവിയായ ഷാപൂർ മിസ്ത്രി 38ആമതായും പട്ടികയിൽ ഉണ്ട്. 35.4 ബില്യൺ ഡോളറിന്റെ ആസ്തിയോടെ സവിത്രി ജിൻഡാൽ 49ആം സ്ഥാനത്ത് എത്തിയിരിക്കുകയാണ്.

31 ബില്യൺ ഡോളറുള്ള ദിലീപ് ഷാംഗ്വി 61ആം സ്ഥാനത്ത്, 29.4 ബില്യൺ ഡോളറിന്റെ ആസ്തിയുള്ള വിപ്രോ സ്ഥാപകൻ അസീം പ്രേംജി, 25.5 ബില്യൺ ഡോളർ ആസ്തിയുള്ള ഭാരതി എയർടെൽ ചെയർമാൻ സുനിൽ മിത്തൽ, 22.9 ബില്യൺ ഡോളറുള്ള ആദിത്യ ബിർള ഗ്രൂപ്പ് ചെയർമാൻ കുമാർ ബിർള, 22.2 ബില്യൺ ഡോളറിന്റെ ആസ്തിയുള്ള അവന്യൂ സൂപ്പർമാർക്കറ്റ്സ് മേധാവി രാധാകൃഷ്ണൻ ധമാനി എന്നിവരും പട്ടികയിൽ ഉണ്ട്.