പ്രീമിയം ഫീച്ചറുകളോടെ മോട്ടോ ജി85; ഇനി വെറും 15,999 രൂപയ്ക്ക്
തിരുവനന്തപുരം: മോട്ടോറോള ജൂലൈയില്‍ പുറത്തിറക്കിയ മിഡ്-റേഞ്ച് സ്മാർട്ട്ഫോണായ മോട്ടോ ജി85, ഇപ്പോൾ 15,999 രൂപയ്ക്ക് ലഭ്യമാണ്. മിഡ്-റേഞ്ച് ഫോണാണങ്കിലും ഹാർഡ്‌വെയർ മുതൽ സോഫ്റ്റ് വെയർ വരെ പ്രീമിയം ഫീച്ചറുകളുള്ള ഫോണാണിത്. ആദ്യം 20,999 രൂപയ്ക്കാണ് ബേസിക് മോഡല്‍ പുറത്തിറക്കിയത്, എന്നാല്‍ ഇപ്പോൾ 16,999 രൂപയ്ക്ക് ലഭിക്കുന്നു. ബാങ്ക് ഓഫറുകളിലൂടെ ഇത് 15,999 രൂപയ്ക്കും ലഭ്യമാണ്.5,000 എംഎഎച്ച് ബാറ്ററി കപ്പാസിറ്റിയോടുകൂടിയ ഫോണിന് 33 വാട്ട് ഫാസ്റ്റ് ചാർജിംഗ് പിന്തുണയുണ്ട്, 80 മിനിറ്റിനുള്ളില്‍ 0%ല്‍ നിന്ന് 100% വരെ ചാര്‍ജ് ചെയ്യാം. സ്ലിം ഡിസൈന്‍ ഉള്ളതിനാൽ ഫോണിന് ഭാരം കുറവാണ്. മോട്ടോ ജി85, സോണി ലൈറ്റിയ 600 ക്യാമറ സെന്‍സറുള്ള ആദ്യ ജി സിരീസാണ്, കൂടാതെ ഒപ്റ്റിക്കല്‍ ഇമേജ് സ്റ്റെബിലൈസേഷനും ഉണ്ട്. 50 മെഗാപിക്സല്‍ പ്രാഥമിക ക്യാമറയും 8 മെഗാപിക്സല്‍ അള്‍ട്രാ-വൈഡ് ലെന്‍സും അടങ്ങിയ ഡുവല്‍ റീയർ ക്യാമറയാണ് മറ്റൊരു സവിശേഷത.6.7 ഇഞ്ച് പിഒഎല്‍ഇഡി പ്രീമിയം കർവ്ഡ് ഡിസ്പ്ലേയും 120Hz റിഫ്രഷ് റേറ്റും ഫോണിന് മികച്ചതും ആകർഷകവുമാണ്. സ്നാപ്ഡ്രാഗണ്‍ 6 ജെനറേഷന്‍ 3 ചിപ്സെറ്റില്‍ പ്രവര്‍ത്തിക്കുന്ന ഫോണിന് 12 ജിബി റാം വരെ, 256 ജിബി സ്റ്റോറേജ് വരെ ലഭ്യമാണ്.ഇ-കൊമേഴ്സ് പ്ലാറ്റ്ഫോമായ ഫ്ലിപ്കാർട്ട് മുഖേന മോട്ടോ ജി85 ഇപ്പോൾ 19% വിലക്കിഴിവിൽ വിൽക്കപ്പെടുന്നു. 8 ജിബി റാം, 128 ജിബി സ്റ്റോറേജ് ഉള്ള മോഡലിന് 16,999 രൂപയാണ് പുതിയ വില. ആക്സിസ് ബാങ്ക് ക്രെഡിറ്റ് കാർഡ് ഉപയോഗിച്ച് നോണ്‍-ഇഎംഐ ട്രാൻസാക്ഷനുകള്‍ക്ക് 1000 രൂപ വരെ അധിക ഡിസ്‌ക്കൗണ്ടും ലഭ്യമാണ്.
