മിൽമയുടെ കുപ്പി പാൽ നാളെ മുതൽ
തിരുവനന്തപുരം: മിൽമയുടെ കുപ്പി പാൽനാളെ മുതൽ വിപണിയിലെത്തും. ഒരു ലിറ്റർ കുപ്പികളിലാണ് ‘കൗമിൽക്ക്’ എന്ന പേരിട്ടിരിക്കുന്ന മിൽമയുടെ ബോട്ടിൽ മിൽക്ക് എത്തുക.പാലിന്റെ തനതുഗുണവും പ്രോട്ടീൻ സമ്പുഷ്ടവുമായ ഒരു ലിറ്റർ പാലിന് 70 രൂപയാണ് വില. മൂന്നു ദിവസം വരെ ശീതീകരിച്ച് സൂക്ഷിച്ചാൽ കേടുകൂടാതെയിരിക്കും. പാക്കിംഗിന് ഗുണമേൻമയുള്ള ഫുഡ് ഗ്രേഡ് ബോട്ടിലാണ് ഉപയോഗിച്ചരിക്കുന്നത്.
ആദ്യഘട്ടത്തിൽ തിരുവനന്തപുരം ജില്ലയിൽ മാത്രമാണ് കുപ്പി പാൽ വിപണിയിലെത്തിക്കുക. തുടർന്ന് ഇത് മറ്റിടങ്ങളിലേക്കും വ്യാപിപ്പിക്കും. ഇന്ന് രാവിലെ 11ന് തമ്പാനൂർ ഹോട്ടൽ അപ്പോളൊ ഡിമോറയിൽ ബോട്ടിൽ മിൽക്കിന്റെ വിതരണോദ്ഘാടനം മന്ത്രി ജെ. ചിഞ്ചുറാണി നിർവഹിച്ചു. മന്ത്രി കെ.എൻ. ബാലഗോപാൽ അധ്യക്ഷനായ ചടങ്ങിൽ മികച്ച ഡീലർമാർക്കുള്ള പുരസ്കാരങ്ങളും വിതരണം ചെയ്തു.
