2024-ൽ 1.66 ലക്ഷം യൂണിറ്റ് വിറ്റഴിച്ച് മഹീന്ദ്ര സ്‌കോർപിയോയുടെ വൻ നേട്ടം
കഴിഞ്ഞ 22 വർഷമായി മഹീന്ദ്ര ആൻഡ് മഹീന്ദ്രയുടെ ഏറ്റവും ജനപ്രിയ മോഡലായി നിലനിൽക്കുന്ന സ്‌കോർപിയോ, 2024-ലും അതിന്റെ വിജയം തുടരുകയാണ്. സ്‌കോർപിയോ എൻ, ക്ലാസിക് എന്ന രണ്ട് മോഡലുകളിലായി ലഭ്യമായ ഈ എസ്‌യുവി കഴിഞ്ഞ വർഷം 1,66,364 യൂണിറ്റ് വിറ്റഴിച്ചു. ഈ കണക്കുകൾ മഹീന്ദ്ര സ്‌കോർപിയോയെ ഇന്ത്യയിലെ ഒമ്പതാമത്തെ ഏറ്റവും കൂടുതൽ വിറ്റഴിക്കപ്പെടുന്ന കാറായി ഉയർത്തുന്നതോടൊപ്പം, മഹീന്ദ്രയുടെ ഏറ്റവും കൂടുതൽ വിറ്റഴിക്കപ്പെടുന്ന മോഡലായും കിരീടമണിയിക്കുന്നു.
കൂടാതെ, 2024-ൽ ഇന്ത്യയിലെ രണ്ടാമത്തെ ഏറ്റവും കൂടുതൽ വിറ്റഴിക്കപ്പെടുന്ന ഇടത്തരം എസ്‌യുവിയായി ഇത് മാറി. സ്‌കോർപിയോ ക്ലാസിക് മോഡലിൽ ക്രൂയിസ് കൺട്രോൾ, ഓട്ടോ എസി, 9 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെൻറ് സിസ്റ്റം, ഓക്‌സ് കണക്റ്റിവിറ്റിയുള്ള എൽഇഡി ഡിആർഎൽ ലൈറ്റുകളോട് കൂടിയ പ്രൊജക്ടർ ഹെഡ്‌ലാമ്പുകൾ എന്നിവയും സുരക്ഷാ സംവിധാനങ്ങളിൽ ഡ്യുവൽ ഫ്രണ്ട് എയർബാഗുകൾ, പിൻ പാർക്കിംഗ് സെൻസർ, എബിഎസ്, സ്പീഡ് അലർട്ട് തുടങ്ങിയവയും ഉൾപ്പെടുത്തിയിട്ടുണ്ട്. ഹ്യൂണ്ടായ് ക്രെറ്റ, കിയ സെൽറ്റോസ്, എംജി ആസ്റ്റർ തുടങ്ങിയ മോഡലുകളോടാണ് സ്‌കോർപിയോ ക്ലാസിക് എസ്‌യുവി വിഭാഗത്തിൽ മത്സരിക്കുന്നത്.
2.2 ലിറ്റർ ഡീസൽ എഞ്ചിൻ ഉപയോഗിക്കുന്ന ഇത് പരമാവധി 132 ബി.എച്ച്.പി കരുത്തും 300 എൻ.എം ടോർക്കും സൃഷ്ടിക്കുന്നു. 6 സ്പീഡ് മാനുവൽ ഗിയർബോക്സാണ് ഈ വാഹനത്തിന് ലഭ്യമാകുന്നത്. മഹീന്ദ്ര സ്‌കോർപിയോ ക്ലാസിക് അഞ്ച് കളർ ഓപ്ഷനുകളിലായി രണ്ട് വേരിയൻ്റുകളിൽ ലഭ്യമാണ്. ഇതിന്റെ എക്‌സ്-ഷോറൂം വില 13.62 ലക്ഷം മുതൽ 17.42 ലക്ഷം രൂപ വരെയാണ്. 2024-ൽ ഈ മോഡലിന്റെ വിൽപ്പന ശ്രദ്ധേയമായ നേട്ടമാണ് കൈവരിച്ചിരിക്കുന്നത്.
