ലിറ്റിൽ സ്റ്റാർ ഇന്ത്യൻ വിപണിയിൽ അവതരിപ്പിച്ച് കിറ്റെക്സ് ഗാർമെൻ്റ്സ്
കിഴക്കമ്പലം: തങ്ങളുടെ യുഎസ് ബ്രാൻഡായ ലിറ്റിൽ സ്റ്റാർ ഇന്ത്യൻ വിപണിയിൽ അവതരിപ്പിച്ച് കിറ്റെക്സ് ഗാർമെൻ്റ്സ്. യൂറോപ്പ്, യുഎസ് എന്നീ രാജ്യങ്ങളിലേക്ക് നവജാത ശിശുക്കളുടെയും കുട്ടികളുടെയും വസ്ത്രങ്ങൾ കയറ്റുമതി ചെയ്യുന്ന കിഴക്കമ്പലം കിറ്റെക്സ് ഗാർമെന്റ്റ്സ് ലിമിറ്റഡാണു തങ്ങളുടെ യുഎസ് ബ്രാൻഡായ ലിറ്റിൽ സ്റ്റാർ ആഭ്യ ന്തര വിപണിയിൽ അവതരിപ്പിക്കാൻ ഒരുങ്ങുന്നത്.1000 കോടി രൂപയുടെ അധിക വരുമാനമാണ് ഇതിലൂടെ അടുത്ത മൂന്നു വർഷത്തിനുള്ളിൽ കമ്പനി പ്രതീക്ഷിക്കുന്നതെന്ന് മാനേജിംഗ് ഡയറക്ടർ സാബു എം. ജേക്കബ് പത്രസമ്മേളനത്തിൽ അറിയിച്ചു.
തങ്ങളുടെ കുഞ്ഞുങ്ങൾക്ക് മികച്ചതു വേണമെന്ന് ആഗ്രഹിക്കുന്ന ഏതൊരു ഇന്ത്യക്കാരനും അമേരിക്കൻ ഗുണനിലവാരവും സുരക്ഷയും ഫാഷനും ഒത്തിണങ്ങിയ വസ്ത്രങ്ങൾ താങ്ങാവുന്ന വിലയ്ക്കു ലഭ്യമാകുമെന്ന് സാബു എം. ജേക്കബ് വ്യക്തമാക്കി.
ഇന്ത്യൻ വിപണിയിൽക്കൂടി തങ്ങളുടെ സാന്നിധ്യം ശക്തമാക്കുന്നതിലൂടെ യുഎസിലേക്കുള്ള കയറ്റുമതിക്ക് കൂടിയ തീരുവമൂലം സംഭവിക്കാവുന്ന ഏതു വെല്ലുവിളികളെയും നേരി ടാൻ സാധിക്കുമെന്നും അദ്ദേഹം പറഞ്ഞു.
