ഗിഗ് തൊഴിലാളികളുടെ ക്ഷേമത്തിനായി സെസ് ചുമത്താനൊരുങ്ങി കര്‍ണാടക സര്‍ക്കാര്‍
ഗിഗ് തൊഴിലാളികള്‍ക്ക് സാമൂഹിക സുരക്ഷ ഉറപ്പാക്കാനായി, സൊമാറ്റോ, ഒല, ഉബര്‍, സ്വിഗ്ഗി പോലുള്ള അഗ്രിഗേറ്റര്‍ പ്ലാറ്റ്ഫോമുകളിലൂടെ നടത്തുന്ന ഇടപാടുകളില്‍ സെസ് ഏര്‍പ്പെടുത്തുമെന്ന് കര്‍ണാടക സര്‍ക്കാര്‍ പ്രഖ്യാപിച്ചു.’ഈ പിരിവ് ഗിഗ് തൊഴിലാളികളുടെ ക്ഷേമനിധിക്കായി ഉപയോഗിക്കും. ഉപഭോക്താക്കള്‍ വാങ്ങുന്ന ഉല്‍പ്പന്നങ്ങള്‍ക്കും സാധനങ്ങള്‍ക്കും സെസ് ചുമത്തുന്നതല്ല, അത് ഗതാഗത സേവനങ്ങള്‍ക്കാണ് ബാധകമാക്കുക,’ പറഞ്ഞു. കര്‍ണാടക തൊഴില്‍ മന്ത്രി സന്തോഷ് ലാഡ് വാര്‍ത്താ സമ്മേളനത്തില്‍ പറഞ്ഞു.’തൊഴിലാളികള്‍ അപകടങ്ങള്‍ക്ക് ഇരയാകുന്നുണ്ട്, കൂടാതെ അവരുടെ പ്രവര്‍ത്തന തിടുക്കം കാരണം മലിനമായ വായുവും ശ്വസിക്കുന്നു. ഇത് ആരോഗ്യ പ്രശ്നങ്ങള്‍ക്ക് കാരണമാകുന്നു. ഈ ക്ഷേമനിധി തൊഴിലാളികളുടെ ആരോഗ്യ ഇന്‍ഷുറന്‍സിനും അവരുടെ കുട്ടികളുടെ വിദ്യാഭ്യാസത്തിനും ഉപയോഗിക്കുമെന്ന് ഉറപ്പാക്കാനാണ് ഞങ്ങളുടെ ലക്ഷ്യം,’ അദ്ദേഹം വിശദീകരിച്ചു.ഗിഗ് തൊഴിലാളികളുടെ അവകാശങ്ങള്‍ സംരക്ഷിക്കുന്നതിനുള്ള ബില്ല് സംസ്ഥാന സര്‍ക്കാര്‍ ഇതിനകം തയ്യാറാക്കിയിട്ടുണ്ട്. ഡിസംബറില്‍ നിയമസഭയില്‍ ബില്ല് പാസാക്കാനാണ് ലക്ഷ്യമിടുന്നത്.അധികാരികളുമായി കേന്ദ്ര തൊഴില്‍ മന്ത്രി മന്‍സുഖ് മാണ്ഡവ്യ നടത്തിയ ചര്‍ച്ചയ്ക്കു ശേഷം, ദശലക്ഷക്കണക്കിന് തൊഴിലാളികള്‍ക്ക് പെന്‍ഷന്‍, ആരോഗ്യ ഇന്‍ഷുറന്‍സ് തുടങ്ങിയ ആനുകൂല്യങ്ങള്‍ ലഭ്യമാക്കാനുള്ള കര്‍ണാടക സര്‍ക്കാരിന്റെ ഈ നീക്കം പ്രഖ്യാപിക്കപ്പെട്ടതായി അറിയിച്ചു.
