കല്യാൺ സിൽക്സിന്റെ യൂത്ത് ഫാസ്റ്റ് ഫാഷൻ ബ്രാൻഡ് ഫാസ്‌യോ ആലപ്പുഴയിൽ പ്രവർത്തനമാരംഭിച്ചു
വസ്ത്ര വ്യാപാര രംഗത്ത് ശതാബ്ദികാല പാരമ്പര്യമുള്ള കല്യാൺ സിൽക്സിന്റെ യൂത്ത് ഫാസ്റ്റ് ഫാഷൻ ബ്രാൻഡായ ഫാസ്‌യോ, ആലപ്പുഴ ഹോസ്പിറ്റൽ ജംഗ്ഷനിൽ സ്ഥിതി ചെയ്യുന്ന രാമവർമ്മ ക്ലബിന് എതിർവശത്ത് തന്റെ ഷോറൂം ഉദ്ഘാടനം ചെയ്തു. അമ്പലപ്പുഴ എം.എൽ.എ. എച്ച്. സലാം, കല്യാൺ സിൽക്‌സ് ഗ്രൂപ്പ് ചെയർമാൻ ടി. എസ്. പട്ടാഭിരാമൻ എന്നിവർ ചേർന്നാണ് ഉദ്ഘാടനം നിർവഹിച്ചത്.149 രൂപ മുതൽ 999 രൂപ വരെയുള്ള വിലയിൽ, പുരുഷന്മാർ, സ്ത്രീകൾ, കുട്ടികൾ എന്നിവർക്കായി വാല്യൂ ഫാഷൻ വസ്ത്രങ്ങളുടെ വിപുലമായ കളക്ഷനുമായി ഫാസ്‌യോ എത്തുന്നുണ്ട്. ആഗോള നിലവാരമുള്ള ഷോറൂമുകളെക്കൊണ്ട് ഉപഭോക്താക്കൾക്ക് സൗഹൃദപരവും സുഗമവുമായ ഷോപ്പിംഗ് അനുഭവം നൽകുന്നതാണ് ഫാസ്‌യോയുടെ പ്രത്യേകത. തൃശ്ശൂർ, കോട്ടയം, തൃപ്പൂണിത്തുറ, പാലക്കാട്, കൊല്ലം എന്നിവിടങ്ങളിലെ ഷോറൂമുകൾ ഇതിനോടകം തന്നെ യുവജനങ്ങൾക്കിടയിൽ വലിയ ശ്രദ്ധ നേടിയിട്ടുണ്ട്.ഫാഷൻ വസ്ത്രങ്ങൾ ഗുണമേന്മയും പുതുമയും ഒരുമിച്ചും താങ്ങാനാവുന്ന വിലയിൽ നൽകുക, സീസണുകൾക്കനുസരിച്ച് പുതുമയുള്ള വസ്ത്രങ്ങൾ അവതരിപ്പിക്കുക, കുറഞ്ഞ ഇടവേളകളിൽ പുതിയ കളക്ഷനുകൾ പുറത്തിറക്കുക തുടങ്ങിയവയാണ് ഫാസ്‌യോയുടെ ബിസിനസ് തത്വം. ഉപഭോക്താക്കൾക്ക് മികച്ച സാങ്കേതിക സൗകര്യങ്ങൾ നൽകി, ഫാസ്റ്റ് ഫാഷൻ രംഗത്ത് ഫാസ്‌യോ പ്രാധാന്യമാർജ്ജിക്കുന്നുണ്ട്. കല്യാൺ സിൽക്സിന്റെ വർഷങ്ങളായുള്ള വിശ്വാസം ഫാസ്‌യോ വഴി കൂടുതൽ ശക്തമാകും എന്ന് ചെയർമാൻ ടി. എസ്. പട്ടാഭിരാമൻ അഭിപ്രായപ്പെട്ടു.ഉദ്ഘാടന ചടങ്ങിൽ കല്യാൺ സിൽക്സിന്റെ ഡയറക്ടർമാരായ പ്രകാശ് പട്ടാഭിരാമൻ, മഹേഷ് പട്ടാഭിരാമൻ, ആലപ്പുഴ എം.എൽ.എ പി.പി. ചിത്തരഞ്ജൻ, മുൻസിപ്പൽ ചെയർപേഴ്സൺ കെ.കെ. ജയമ്മ, വാർഡ് കൗൺസിലർ എ.എസ്. കവിത, പൊതുമരാമത്ത് സ്റ്റാൻഡിംഗ് കമ്മിറ്റി ചെയർമാൻ എം.ആർ. പ്രേം, മുൻ എം.എൽ.എ എ.എ. ഷുക്കൂർ എന്നിവരും പങ്കെടുത്തു.
