അക്സോ നോബല്‍ ഇന്ത്യയെ ജെ.എസ്.ഡബ്ല്യു സ്വന്തമാക്കുന്നു
വാഹന പെയിന്റ് മേഖലയിലെ വന്‍കിട കമ്പനിയ അക്സോ നോബല്‍ ഇന്ത്യയെ ജെ.എസ്.ഡബ്ല്യു പെയിന്റ്സ് ഏറ്റെടുക്കുന്നു. 8986 കോടി രൂപയുടെ ഇടപാട് ഇത്. ഇതോടെ ജെ.എസ്.ഡബ്ല്യുവിന് അക്സോ നോബലിന്റെ 74.76 ശതമാനം ഓഹരികള്‍ സ്വന്തമാകും. കോമ്പറ്റീഷന്‍ കമ്മീഷന്‍ ഓഫ് ഇന്ത്യയില്‍ നിന്നുള്ളതടക്കം വിവിധ അനുമതികളുടെ അടിസ്ഥാനത്തിലായിരിക്കും കൈമാറ്റം നടക്കുക. ജെഎസ്ഡബ്ലിയു പെയിന്റ്സ് എന്നത്ഇന്ത്യയിലെ ഏറ്റവും വേഗത്തില്‍ വളരുന്ന പെയിന്റ് കമ്പനിയും 23 ബില്യണ്‍ ഡോളര്‍ വരുന്ന ജെഎസ്ഡബ്ലിയു ഗ്രൂപ്പി ന്‍റെ ഭാഗവുമാണ്.
ഇന്‍റര്‍നാഷണല്‍, ഡ്യൂലക്സ്, സിക്കെന്‍സ് എന്നി പ്രമുഖ പെയിന്റ്, കോട്ടിങ് ബ്രാന്‍ഡുകളുടെ ഉടമസ്ഥരാണ് അക്സോ നോബല്‍ ഇന്ത്യ എന്ന് ജെഎസ്ഡബ്ലിയു പെയിന്റ്സ് മാനേജിങ് ഡയറക്ടര്‍ പാര്‍ത്ത് ജിന്‍ഡല്‍ പറഞ്ഞു. ഇവരെ ജെഎസ്ഡബ്ലിയു കുടുംബത്തിലേക്കു സ്വാഗതം ചെയ്യുന്നതായും അദ്ദേഹം പറഞ്ഞു
