ടെലികോം മേഖലയിലെ വന്‍ നിക്ഷേപ സാധ്യതയെന്ന് റിപ്പോർട്ട്
ടെലികോം മേഖലയിലെ വന്‍ നിക്ഷേപ സാധ്യതകളെക്കുറിച്ച് പുതിയ പഠനം ശ്രദ്ധ നേടുന്നു. 2030-ഓടെ ഇന്ത്യയിലെ പകുതിയോളം ജനങ്ങള്‍ 5ജി മൊബൈല്‍ സേവനങ്ങളുടെ വരിക്കാരാകുമെന്ന് ഗ്ലോബല്‍ സിസ്റ്റം ഫോര്‍ മൊബൈല്‍ കമ്മ്യൂണിക്കേഷൻസ് അസോസിയേഷൻ (GSMA) പറയുന്നു. ഈ വളര്‍ച്ച ടെലികോം കമ്പനികളെ രാജ്യത്ത് കൂടുതല്‍ നിക്ഷേപം നടത്താന്‍ പ്രേരിപ്പിക്കും. 641 ദശലക്ഷത്തിലധികം വരിക്കാരെ രാജ്യത്ത് 5ജി സേവനം ആകര്‍ഷിക്കുമെന്നാണ് റിപ്പോര്‍ട്ടിലെ പ്രവചനം.
GSMAയുടെ പഠനപ്രകാരം, 2029-ഓടെ പ്രതിവരിക്കാരന്റെ ഡാറ്റ ഉപയോഗം 68 ജിബിയിലേക്ക് ഉയര്‍ന്നേക്കും. ഇത് 15% സംയുക്ത വാര്‍ഷിക വളര്‍ച്ചാ നിരക്കില്‍ (CAGR) ആഗോള ശരാശരിയെ മറികടക്കുന്നതാണ്. നിലവില്‍ പ്രതിമാസം 17 ജിബി ആണ് ഉപയോഗം, 2029-ല്‍ ഇത് 42 ജിബിയായി വളരുമെന്ന് GSMA വ്യക്തമാക്കുന്നു.
അതേസമയം, മൊബൈല്‍ ബ്രോഡ്ബാന്‍ഡ് കണക്റ്റിവിറ്റിയില്‍ ഇന്ത്യയ്ക്കുള്ളില്‍ വെല്ലുവിളികള്‍ തുടരുമെന്നാണ് പഠനം ചൂണ്ടിക്കാണിക്കുന്നത്. രാജ്യത്തെ ജനസംഖ്യയുടെ 46 ശതമാനം പേര്‍ക്കെങ്കിലും ഇനിയും മൊബൈല്‍ ബ്രോഡ്ബാന്‍ഡ് കണക്റ്റിവിറ്റിയില്ല.
