ഇന്ത്യൻ 5ജി എത്തി, ഇനി ജിയോയും എയര്‍ടെല്ലും ജാഗ്രതയിൽ
ദില്ലി: ഇന്ത്യയിൽ 5ജി നെറ്റ്‌വർക്കിൽ സ്വകാര്യ ടെലികോം കമ്പനികൾക്ക് കടുത്ത വെല്ലുവിളി നൽകാൻ പൊതുമേഖല ടെലികോം കമ്പനികൾ പ്രവർത്തനമാരംഭിച്ചിരിക്കുന്നു. എംടിഎൻഎൽ (മഹാനഗർ ടെലിഫോൺ നിഗം ലിമിറ്റഡ്) കേന്ദ്ര ഗവേഷണ സ്ഥാപനം സി-ഡോട്ടിനൊപ്പം ചേർന്ന് 5ജി പരീക്ഷണം വിജയകരമായി പൂര്‍ത്തിയാക്കിയതായി പുതിയ വിവരം. 5ജി സിഗ്നലുമായി എംടിഎൻഎൽ പ്രവര്‍ത്തനം ആരംഭിച്ചതിന്റെ ചിത്രം ടെലികോം മന്ത്രാലയം സെപ്റ്റംബര്‍ 12-ന് ട്വിറ്ററിൽ പങ്കുവച്ചു.ഇന്ത്യയിൽ വികസിപ്പിച്ച 5ജി സാങ്കേതികവിദ്യ വിജയകരമായി പരീക്ഷിച്ചുവെന്ന് ഇതോടെ സ്ഥിരീകരിക്കപ്പെട്ടു. ബിഎസ്എന്‍എല്‍, എംടിഎന്‍എല്‍ എന്നീ പൊതുമേഖല ടെലികോം കമ്പനികൾ തദ്ദേശീയമായി വികസിപ്പിച്ച 5ജി സാങ്കേതികവിദ്യ ഉപയോഗിക്കുമെന്ന് കേന്ദ്ര സര്‍ക്കാര്‍ നേരത്തേ വ്യക്തമാക്കിയിരുന്നു. ബിഎസ്എന്‍എല്‍ നിലവില്‍ 4ജി സേവനങ്ങളും തദ്ദേശീയമായി വികസിപ്പിച്ച സാങ്കേതികവിദ്യയിലൂടെയാണ് വിന്യസിക്കുന്നത്. എംടിഎൻഎൽ, ബിഎസ്എന്‍എല്ലിനൊപ്പം 4ജി നെറ്റ്‌വര്‍ക്കുകള്‍ ദില്ലിയിലും മുംബൈയിലും സ്ഥാപിക്കുന്നു. 10 വർഷത്തെ കരാറിലൂടെയാണ് ഈ രണ്ട് കമ്പനികളും തമ്മിലുള്ള സഹകരണം.സ്വകാര്യ കമ്പനികളായ റിലയന്‍സ് ജിയോയും ഭാരതി എയര്‍ടെല്ലും ഇതിനകം 5ജി സേവനങ്ങൾ തുടങ്ങിയിരിക്കുകയാണ്. ഇവിടെയിലേക്ക് ബിഎസ്എന്‍എല്‍, എംടിഎൻഎൽ എന്നിവയും 5ജിയുമായി പ്രവേശിക്കാൻ പോകുന്നു. 4ജി സേവനങ്ങൾ വൈകിയ സാഹചര്യത്തിൽ, ടെലികോം രംഗത്ത് പൊരുതണമെങ്കിൽ ബിഎസ്എന്‍എല്ലിന് 5ജി ടവറുകളും ഉടൻ സ്ഥാപിക്കേണ്ടതുണ്ട്. അതിനാൽ, 4ജി വികസനത്തോടൊപ്പം 5ജി വിന്യാസത്തിലും ശ്രദ്ധ കേന്ദ്രീകരിച്ചിരിക്കുകയാണ് ബിഎസ്എന്‍എല്‍-എംടിഎന്‍എല്‍ കൂട്ടായ്മ. 2025 മധ്യത്തോടെ മാത്രമേ ബിഎസ്എന്‍എല്ലിന്റെ 4ജി വികസനം പൂര്‍ത്തിയാവൂ.
