മുംബൈയില്‍ പുതിയ ഓഫീസ് തുറന്ന് ഇന്‍ഡെല്‍ മണി
കൊച്ചി: രാജ്യത്തെ മുന്‍നിര നോണ്‍ ബാങ്കിംഗ് സ്വര്‍ണവായ്പാ കമ്പനികളിലൊന്നായ ഇന്‍ഡെല്‍ മണി മുംബൈയില്‍ നവീകരിച്ച രജിസ്റ്റേർഡ് ഓഫീസ് തുറന്നു. മഹാരാഷ്‌ട്ര, ഗുജറാത്ത്, രാജസ്ഥാന്‍ എന്നിവിടങ്ങളില്‍ 2026 സാമ്പത്തികവര്‍ഷം പ്രവര്‍ത്തനം വിപുലീകരിക്കും.ബ്രാഞ്ചുകളുടെ എണ്ണം മൂന്നു സംസ്ഥാനങ്ങളിലുമായി 45 ആക്കി ഉയര്‍ത്തുമെന്നും ഇന്‍ഡെല്‍ മണി എക്‌സിക്യൂട്ടീവ് ഡയറക്ടറും സിഇഒയുമായ ഉമേഷ് മോഹനന്‍ പറഞ്ഞു. നിലവിൽ കമ്പനിക്ക് മഹാരാഷ്‌ട്രയില്‍ 22ഉം ഗുജറാത്തില്‍ പത്തും രാജസ്ഥാനില്‍ അഞ്ചും ബ്രാഞ്ചുകളാണുള്ളത്.
