പാൻ കാർഡ് ഇല്ലാതെ എത്ര സ്വർണം വാങ്ങാം? നിയമപരമായ പരിധികൾ അറിയാം
സ്വർണത്തിന്റെ വില റെക്കോർഡ് നിരക്കിൽ തുടരുകയാണ്, ചില്ലറ വിപണിയിലും കോടികളുടെ വ്യാപാരം നടന്നുകൊണ്ടിരിക്കുന്നു. നിക്ഷേപം സുരക്ഷിതമാണെന്ന് ഉറപ്പുള്ളതിനാൽ പലരും സ്വർണത്തിലേക്ക് നിക്ഷേപം നടത്താൻ ശ്രമിക്കുന്നു. പക്ഷേ, ഏതെത്ര പണം മുടക്കിയാലും സ്വർണം വാങ്ങാം എന്ന് കരുതുന്നത് തെറ്റാണ്. പാൻ കാർഡ് അല്ലെങ്കിൽ ഐഡി പ്രൂഫ് ഇല്ലാതെ നിയമപരമായി എത്ര സ്വർണം വാങ്ങാൻ കഴിയും, പാൻ കാർഡ് നൽകിയാൽ പോലും സ്വർണം വാങ്ങാനുള്ള പരിധി എന്താണെന്നറിയണം.2002 ലെ കള്ളപ്പണം വെളുപ്പിക്കൽ നിരോധന നിയമം (PMLA) പ്രകാരം, പണം നൽകികൊണ്ട് സ്വർണം വാങ്ങാൻ നിയന്ത്രണങ്ങൾ ഉണ്ട്. ഈ നിയമപ്രകാരം, 10 ലക്ഷം രൂപയോ അതിലധികമോ മൂല്യമുള്ള സ്വർണം നാണയമായി വാങ്ങുന്നവർക്ക് കെവൈസി, പാൻ കാർഡ് അല്ലെങ്കിൽ ആധാർ കാർഡ് നിർബന്ധമായും നൽകേണ്ടതാണ്.നിശ്ചിത പരിധിക്ക് മുകളിൽ പണമിടപാടുകൾക്ക് ആദായനികുതി നിയമം അനുമതി നൽകുന്നില്ല. 1961 ലെ ആദായനികുതി നിയമത്തിലെ സെക്ഷൻ 269എസ്ടി പ്രകാരം ഒരു ദിവസം 2 ലക്ഷം രൂപയ്ക്ക് മുകളിൽ പണം നൽകി സ്വർണം വാങ്ങാനാകില്ല. ഈ നിയമം ലംഘിക്കുന്നവർക്ക് സെക്ഷൻ 271 ഡി പ്രകാരം പിഴ ചുമത്തപ്പെടും.2 ലക്ഷം രൂപയ്ക്കുമുകളിൽ സ്വർണം വാങ്ങാൻ പാൻ കാർഡോ ആധാറോ നൽകേണ്ടതുണ്ട്. 1962 ലെ ആദായനികുതി ചട്ടത്തിലെ റൂൾ 114 ബി പ്രകാരം, 2 ലക്ഷം രൂപയ്ക്കും അതിൽ മുകളിലും മൂല്യമുള്ള ഇടപാടുകളിൽ പാൻ കാർഡ് വിശദാംശങ്ങൾ നൽകണം.
