പൊന്നിന് കുതിപ്പ്, സ്വർണവില 99,000ന് മുകളിൽ
കൊച്ചി: സംസ്ഥാനത്ത് സ്വര്ണവില വീണ്ടും 99,000 രൂപ കടന്നു. ഇന്ന് പവന് 800 രൂപ കൂടിയതോടെയാണ് സംസ്ഥാനത്ത് വീണ്ടും റെക്കോര്ഡുകള് ഭേദിച്ച് സ്വര്ണവില കുതിക്കുമെന്ന തോന്നല് സൃഷ്ടിച്ചത്.99,200 രൂപയാണ് ഇന്നത്തെ പവന് വില. 15ന് രേഖപ്പെടുത്തിയ 99,280 രൂപയാണ് സര്വകാല റെക്കോര്ഡ്.
സ്വര്ണവില ഒരു ലക്ഷം കടന്ന് കുതിക്കുമോ എന്ന ആകാംക്ഷയിലാണ് വിപണി.അതെസമയം ശനിയാഴ്ച സ്വര്ണവിലയില് മാറ്റമുണ്ടായിരുന്നില്ല. ഇന്ന് ഗ്രാമിന് 100 രൂപയാണ് വര്ധിച്ചത്. 12,400 രൂപയാണ് ഒരു ഗ്രാം സ്വര്ണത്തിന്റെ വില.
ഈ മാസത്തിന്റെ തുടക്കത്തില് 95,680 രൂപയായിരുന്നു ഒരു പവന് സ്വര്ണത്തിന്റെ വില. 9ന് 94,920 രൂപയായി ഇടിഞ്ഞ് ഈ മാസത്തെ ഏറ്റവും താഴ്ന്ന നിലവാരത്തില് എത്തിയ സ്വര്ണവില പിന്നീടുള്ള ദിവസങ്ങളില് വില ഉയരുന്നതാണ് ദൃശ്യമായത്.
