ഈ ഓണക്കാലത്ത് സ്വര്‍ണവില കുതിച്ചുകയറുന്നു; ഇന്നലേയും ഇന്നുമായി 1280 രൂപ വർദ്ധിച്ചു
കൊച്ചി: ഓണക്കാലത്ത് സംസ്ഥാനത്ത് സ്വര്‍ണവില വലിയ ഉയരത്തിലേക്കാണ് കുതിച്ചത്. ഇന്നലെയും ഇന്നും ഒരുമിച്ച് 160 രൂപയാണ് ഗ്രാമിന് വില വര്‍ധിച്ചിരിക്കുന്നത്. ഇതോടെ, കഴിഞ്ഞ രണ്ടു മാസത്തിനിടയിലെ ഏറ്റവും ഉയര്‍ന്ന നിരക്കില്‍ സ്വര്‍ണ വ്യാപാരം പുരോഗമിക്കുകയാണ്. രാജ്യാന്തര വിപണിയിലുള്ള വില വര്‍ദ്ധനവാണ് കേരളത്തില്‍ സ്വര്‍ണവില കുതിക്കുന്നതിന് പ്രധാന കാരണം.ഇന്നലെ 22 ക്യാരറ്റ് സ്വര്‍ണത്തിന് ഗ്രാമിന് 120 രൂപയുണ്ടായ കൂടിയേറ്റം, പവന് 960 രൂപയിലേക്കുള്ള വര്‍ദ്ധനവില്‍ ഫലിച്ചു. ഇന്ന് വീണ്ടും ഗ്രാമിന് 40 രൂപയും, പവന് 320 രൂപയുമാണ് കൂടിയത്. ഇതോടെ കേരളത്തില്‍ ഗ്രാമിന് 6,865 രൂപയും, പവന് 54,920 രൂപയുമാണ് ഇന്നത്തെ നിരക്ക്. ഈ മാസം തുടക്കത്തില്‍ 6,695 രൂപയായിരുന്നു ഗ്രാമിന് വില, അഞ്ചാം തീയതി 6,670 രൂപയിലേക്ക് താഴ്ന്നു. എന്നാല്‍ കഴിഞ്ഞ രണ്ട് ദിവസത്തിനുള്ളില്‍ സ്വര്‍ണവിലയില്‍ ഉണ്ടായ വന്‍ വര്‍ദ്ധനവ്, നിരക്കില്‍ 1280 രൂപയുടെ വര്‍ദ്ധനവിന് കാരണമായി.
