സ്വര്‍ണവില വീണ്ടും മുന്നോട്ട്; പവന് 80 രൂപ കൂടി
സംസ്ഥാനത്ത് സ്വര്‍ണവില വീണ്ടും ഉയരുകയാണ്. സ്വർണം ഗ്രാമിന് 10 രൂപയും പവന് 80 രൂപയുമാണ് ഇന്ന് കൂടിയത്. ഇതോടെ ഗ്രാമിന് 8060 രൂപയും പവന് 64480 രൂപയുമായി. സ്വർണത്തിന് ഇന്ന് നേരിയ വര്‍ധനവ് മാത്രമാണ് രേഖപ്പെടുത്തിയതെങ്കിലും കഴിഞ്ഞ രണ്ടുദിവസങ്ങളില്‍ അങ്ങനെ ആയിരുന്നില്ല. ഇനി വെറും 120 രൂപ മാത്രം മതി പൊന്നിന് സ്വര്‍വകാല റെക്കോര്‍ഡ് വിലക്കടുത്തെത്താൻ.
1040 രൂപയാണ് കഴിഞ്ഞ മൂന്നു ദിവസത്തിനുള്ളിൽ സ്വര്‍ണത്തിന് വര്‍ധിച്ചത്.ഫെബ്രുവരി 25 ന് കുറിച്ച പവന് 64600 എന്ന വിലയാണ് സര്‍വകാല റെക്കോര്‍ഡ്. പൊന്നിന്റെ മുന്നേറ്റം ഈ നിലയില്‍ മുന്നോട്ടുപോയാല്‍ പവന് 65000 എന്ന വിലയിലെത്തുമെന്നാണ് വിലയിരുത്തലുകൾ.ലൈറ്റ് വെയിറ്റ് ആഭരണങ്ങള്‍ നിര്‍മിക്കാന്‍ ഉപയോഗിക്കുന്ന 18 കാരറ്റ് സ്വര്‍ണം ഗ്രാമിന് 6635 രൂപയാണ് നിരക്ക്. ഗ്രാമിന് 10 രൂപയുടെ കുറവ് രേഖപ്പെടുത്തി. അതെസമയം വെള്ളി വിലയില്‍ ഇന്ന് മാറ്റമില്ല. ഗ്രാമിന് 106 രൂപ എന്ന നിരക്കിലാണ് വ്യാപാരം.അന്താരാഷ്ട്രതലത്തില്‍ സ്വര്‍ണവില ഉയരുന്നതും ഡോളറിന്റെ വില വ്യത്യാസവും സ്വര്‍ണവിപണിയെ ബാധിക്കുന്നുണ്ട്.
