സ്വർണവില കുതിപ്പ് തുടരുന്നു; പവന് 160 രൂപ വർധിച്ചു
സംസ്ഥാനത്ത് സ്വർണവിലയിൽ വീണ്ടും കുതിപ്പ്. കഴിഞ്ഞ ദിവസം പുതിയ ഉയരം കുറിച്ച സ്വര്‍ണവില വീണ്ടും ഉയര്‍ന്നു. ഗ്രാമിന് 20 രൂപയും പവന് 160 രൂപയുമാണ് കൂടിയത്. ഒരു പവൻ സ്വർണത്തിന് 55,840 രൂപയാണ് ഇന്നത്തെ വില. ഗ്രാമിന് 6980 രൂപയും. തുടർച്ചയായി മൂന്നാം ദിവസമാണ് സംസ്ഥാനത്ത് സ്വർണ വില വർധിക്കുന്നത്. പശ്ചിമേഷ്യയിൽ ഉണ്ടായ സംഘർഷത്തെ തുടർന്നാണ് സ്വർണവിലയിൽ വർധനവ് ഉണ്ടായിരിക്കുന്നത്. എന്നാൽ സംസ്ഥാനത്ത് വെള്ളി വിലയിൽ മാറ്റമില്ല. ഗ്രാമിന് 96 രൂപയും കിലോഗ്രാമിന് 96,000 രൂപയുമാണ് വില.
ഔൺസിന് 2,631 ഡോളർ എന്ന പുതിയ ഉയരം കീഴടക്കിയ രാജ്യാന്തര വില നിലവിലുള്ളത് 2,629 ഡോളറിൽ. ഗോൾഡ് ഇടിഎഫ് അടക്കം സ്വർണ നിക്ഷേപ പദ്ധതികൾക്ക് ലഭിക്കുന്ന സ്വീകാര്യത, ഇന്ത്യയടക്കം മുൻനിര ഉപഭോഗ രാജ്യങ്ങളിൽ സ്വർണാഭരണ ഡിമാൻഡിലെ വർധന, റിസർവ് ബാങ്ക് അടക്കം ലോകത്തെ പ്രമുഖ കേന്ദ്ര ബാങ്കുകൾ കരുതൽ ശേഖരത്തിലേക്ക് സ്വർണം വാങ്ങിക്കൂട്ടുന്ന പ്രവണത എന്നിവയാണ് വില വർധനയ്ക്ക് ആക്കംകൂട്ടുന്നത്.
