മാറ്റമില്ലാതെ സ്വർണവില
സംസ്ഥാനത്ത് ഇന്ന് സ്വർണവിലയിൽ മാറ്റമില്ല. ശനിയാഴ്ച പവന് 480 രൂപയുടെ വർധനവ് രേഖപ്പെടുത്തിയിരുന്നു, അതേ നിരക്കിലാണ് ഇന്നും വ്യാപാരം തുടരുന്നത്. നിലവിൽ സ്വർണവില ഗ്രാമിന് 7100 രൂപയും പവന് 56800 രൂപയുമാണ്. 18 കാരറ്റ് സ്വർണത്തിന്റെ വിലയിലും മാറ്റമില്ല. ലൈറ്റ്വെയിറ്റ് ആഭരണങ്ങൾ നിർമിക്കാൻ ഉപയോഗിക്കുന്ന ഈ സ്വർണത്തിന്റെ ഗ്രാമിന് 5685 രൂപയാണ് ഇന്നത്തെ നിരക്ക്. വെള്ളിയുടെ വിലയും സ്ഥിരമായി തുടരുന്നു, ഗ്രാമിന് 95 രൂപയാണ് നിലവിലുള്ള നിരക്ക്. യുഎസ് ഫെഡ് അടുത്ത വർഷം രണ്ട് തവണ മാത്രമേ നിരക്ക് പുതുക്കുകയുള്ളുവെന്ന് പ്രഖ്യാപിച്ചതാണ് സ്വർണവിലയിൽ വലിയ മാറ്റം വരാതിരിക്കുന്നതിൽ പ്രധാന ഘടകമെന്നാണ് വിലയിരുത്തൽ.
