മാറ്റമില്ലാതെ സ്വർണ വില
സംസ്ഥാനത്ത് ഇന്ന് സ്വർണവിലയിൽ മാറ്റമില്ല. ഗ്രാമിന് 7370 രൂപയും പവന് 58960 രൂപയുമാണ് ഇന്നത്തെ വിപണി വില. തുടർച്ചയായ വിലവർധനയ്ക്ക് ശേഷം രണ്ടുദിവസമായി പൊന്നിന്റെ വില താഴ്ന്നിരുന്നു. ഇന്ന് സ്വർണവിലയിൽ മാറ്റമുണ്ടാകുമെന്ന് വിപണി പ്രതീക്ഷിച്ചിരുന്നുവെങ്കിലും അത്തരമൊരു മാറ്റം ഉണ്ടായില്ല. ഇന്നത്തെ ദിവസം വിലവ്യത്യാസങ്ങളിൽ നിന്ന് ഒഴിവായ ദിവസമാണ്. 18 കാരറ്റ് സ്വർണത്തിനും വിലയിൽ മാറ്റമില്ല. ഗ്രാമിന് 6075 രൂപയ്ക്കാണ് വ്യാപാരം നടക്കുന്നത്. വെള്ളി വിലയിലും മാറ്റമില്ലാതെ തുടരുകയാണ്. ഗ്രാമിന് 103 രൂപയ്ക്കുതന്നെ വ്യാപാരം പുരോഗമിക്കുന്നു. ഒക്ടോബർ 31-നാണ് സംസ്ഥാനത്ത് സ്വർണവിലയിൽ ഒരു റെക്കോർഡ് ഉണ്ടായത്. അന്ന് ഗ്രാമിന് 7455 രൂപയും പവന് 59640 രൂപയുമായിരുന്നു. പശ്ചിമേഷ്യയിലെ സംഘർഷങ്ങളും, യുഎസ് പ്രസിഡന്റ് തിരഞ്ഞെടുപ്പും, അമേരിക്കൻ ഫെഡറൽ റിസർവ് പലിശ നിരക്കുകൾ കുറയ്ക്കുമെന്ന് വന്ന റിപ്പോർട്ടുകളും സ്വർണവിലയെ ഉയർത്തുന്ന കാരണങ്ങളാണ്.
