ആദ്യപാദത്തിൽ 4.28 കോടി രൂപയുടെ ലാഭവുമായി ഫാക്ട്
ഏലൂർ: 2025-26 സാമ്പത്തിക വർഷത്തിന്റെ ആദ്യ പാദത്തിൽ ഫാക്ട്ന് 68.82 കോടി രൂപ പ്രവർത്തന ലാഭവും 4.28 കോടി രൂപ നികുതിക്കുശേഷമുള്ള ലാഭവും രേഖപ്പെടുത്തി.
അതെസമയം മുൻ സാമ്പത്തിക വർഷത്തിന്റെ ഇതേ പാദത്തിൽ യഥാക്രമം 10.55 കോടി രൂപ, 48.67 കോടി രൂപ എന്നിങ്ങനെ നഷ്ടമായിരുന്നു. 2025-26 സാമ്പത്തിക വർഷത്തിന്റെ ആദ്യ പാദത്തിൽ കമ്പനി 1042.77 കോടി രൂപ വിറ്റുവരവ് നേടി.
599.58 കോടി രൂപയായിരുന്നു മുൻ സാമ്പത്തിക വർഷത്തിന്റെ ഇതേ പാദത്തിൽ. 2024-25 സാമ്പത്തിക വർഷത്തിൽ ഓഹരിയൊന്നിന് 0.39 രൂപ പുതുക്കിയ അന്തിമ ലാഭവിഹിതം ഫാക്ട് ബോർഡ് ശുപാർശ ചെയ്തിട്ടുണ്ട്.
