ക്രെഡിറ്റ് കാര്‍ഡുമായി എലോൺ മസ്ക്
വാഷിങ്ടണ്‍: ഇലക്‌ട്രിക് വാഹനം, ബഹിരാകാശ യാത്ര, സോഷ്യല്‍ മീഡിയ എന്നീ മേഖലകൾക്ക് ശേഷം സാമ്പത്തിക രംഗത്തേയ്ക്ക് കടക്കാനൊരുങ്ങി എലോണ്‍ മസ്ക് .സാമ്പത്തിക സേവനങ്ങള്‍എക്‌സ് എന്ന പ്ലാറ്റ്‌ഫോമിലൂടെയാണു ആരംഭിക്കാനാണ് മസ്ക് തയാറെടുക്കുന്നതന്നൊണ് പുറത്തുവരുന്ന വിവരം. എക്‌സിനെ ചൈനയുടെ ‘ വീ ചാറ്റ് ‘ പോലെ ഒരു സൂപ്പര്‍ ആപ്പ് ആക്കി മാറ്റാനാണു മസ്കിന്റെ നീക്കം.ഇതിന്‍റെ ഭാഗമായി ഇന്‍വെസ്റ്റ്‌മെന്റ്, ട്രേഡിങ് ഫീച്ചറുകള്‍ എക്‌സില്‍ അവതരിപ്പിക്കാന്‍ മസ്ക് തയ്യാറെടുക്കുന്നുണ്ട്. എക്‌സില്‍ ഷോപ്പിങിനുള്ള സൗകര്യവും അവതരിപ്പിക്കും. ഇതിനു മുന്നോടിയായി ക്രെഡിറ്റ്, ഡെബിറ്റ് കാര്‍ഡുകളും എക്‌സ് പുറത്തിറക്കാന്‍ പോവുകയാണ്.മിക്കവാറും ഈ വര്‍ഷം തന്നെ ഇവ അവതരിപ്പിക്കാന്‍ സാധ്യതയുണ്ടെന്നാണ് ഇപ്പോള്‍ പുറത്തുവരുന്ന റിപ്പോര്‍ട്ട്. ആദ്യമായി യുഎസില്‍ ആയിരിക്കും ഇത് അവതരിപ്പിക്കുക. ആഗോളതലത്തിലേക്ക് പിന്നീട് വ്യാപിപ്പിക്കും. വിസ എന്ന അമെരിക്കന്‍ മള്‍ട്ടിനാഷണല്‍ പേയ്‌മെന്‍റ് കാര്‍ഡ് സര്‍വീസ് കമ്പനിയുമായി ഇതുമായി ബന്ധപ്പെട്ട സഹകരണത്തിനായി എക്‌സ് കരാര്‍ ഒപ്പുവച്ചു.
