കേരളത്തിൽ 2,000 ഇലക്ട്രിക് വാഹന ചാർജിംഗ് സ്റ്റേഷനുകൾ സ്ഥാപിക്കാൻ ഒരുങ്ങി കോസ്‌ടെക്ക്
ഇലക്ട്രിക് വാഹന ഉടമകളുടെ പ്രധാനമായൊരു പരാതിയായ ചാർജിംഗ് സ്റ്റേഷനുകളുടെ അഭാവത്തിന് പരിഹാരം കാണാൻ, സംസ്ഥാനത്ത് 2,000 ചാർജിംഗ് സ്റ്റേഷനുകൾ സ്ഥാപിക്കാൻ കോസ്‌ടെക്ക് (COSTECH) നീക്കം തുടങ്ങി. ഇതിന്‍റെ ഭാഗമായി ചെന്നൈ ആസ്ഥാനമായ ഈസിഗോ എന്ന കമ്പനിയുമായി ധാരണാപത്രം ഒപ്പുവച്ചിട്ടുണ്ട്. ഇതാണ്, കൊച്ചിയിലെ കേരള സ്റ്റേറ്റ് കോ-ഓപ്പറേറ്റീവ് ഇൻസ്റ്റിറ്റ്യൂട്ട് ഓഫ് ഇൻഫർമേഷൻ ടെക്നോളജി, ഇലക്ട്രോണിക്സ്, കമ്മ്യൂണിക്കേഷൻ (കോസ്‌ടെക്ക്) ജർമ്മൻ സാങ്കേതിക വിദ്യ ഉപയോഗിച്ച് അഗ്രിഗേറ്റഡ് ചാർജിംഗ് സ്റ്റേഷനുകൾ ആരംഭിക്കാൻ തീരുമാനിച്ചത്. അടുത്ത അഞ്ച് വർഷത്തിനുള്ളിൽ സ്റ്റേഷനുകൾ സ്ഥാപിക്കുന്നതിനുള്ള പദ്ധതി രൂപവത്കരിച്ചിരിക്കുന്നുവെന്ന് COSTECH വ്യക്തമാക്കി. ചെറു കാർ മുതൽ ട്രക്ക് വരെ വിവിധ ഇലക്ട്രിക് വാഹനങ്ങൾക്ക് വേഗത്തിൽ ചാർജിംഗ് നടത്താനാകുന്ന സംവിധാനങ്ങൾ ഇവയിൽ ഒരുക്കും. സ്റ്റേഷനുകൾ ക്ലൗഡ് മാനേജ്‌മെന്റ് സിസ്റ്റം വഴിയും മൊബൈൽ ആപ്പ് വഴിയും ക്രമീകരിച്ചാണ്, പേയ്‌മെൻറ് സംവിധാനവും നൽകുന്നത്. ഗ്രാമീണ പ്രദേശങ്ങളിൽ, സഹകരണ സംഘങ്ങളുടെ സഹകരണത്തോടെ ചാർജിംഗ് സ്റ്റേഷനുകൾ സ്ഥാപിക്കാനാണ് കോസ്‌ടെക്കിന്റെ ലക്ഷ്യം. ഗ്രാമപ്രദേശങ്ങളിലും ചെറു പട്ടണങ്ങളിലും ചാർജിംഗ് സ്റ്റേഷനുകളുടെ ലഭ്യത വർധിക്കുന്നത് ഇലക്ട്രിക് വാഹന ഉപയോക്താക്കളെ പ്രോത്സാഹിപ്പിക്കും.
