ജിയോജിത് സ്‌കോളര്‍ഷിപ്പിനുള്ള അപേക്ഷ ക്ഷണിച്ചു
കൊച്ചി: സാമ്പത്തികമായി പിന്നേക്കം നില്‍ക്കുന്ന കുടുംബങ്ങളിലെ വിദ്യാർഥികള്‍ക്കു തൊഴിലധിഷ്ഠിത കോഴ്സുകള്‍ പഠിക്കാന്‍ നിക്ഷേപ സേവന സ്ഥാപനമായ ജിയോജിത് സ്‌കോളര്‍ഷിപ്പ് നല്‍കും.തെരഞ്ഞെടുക്കപ്പെടുന്ന വിദ്യാര്‍ഥികള്‍ക്ക് പരീക്ഷാഫീസ്, ട്യൂഷൻ ഫീസ്, എന്നിവയ്ക്കായി പ്രതിവര്‍ഷം 25,000 രൂപ വരെയാണു സ്‌കോളര്‍ഷിപ്പ് നല്‍കുക.
പത്താം ക്ലാസിലും പ്ലസ്ടുവിലും 80 ശതമാനത്തിൽ കൂടുതൽ മാര്‍ക്ക് നേടി ഉന്നത വിദ്യാഭ്യാസത്തിന് യോഗ്യത നേടിയ വിദ്യാര്‍ഥികള്‍ക്കു സ്‌കോളര്‍ഷിപ്പിന് അപേക്ഷിക്കാം.
മൂന്നു ലക്ഷത്തില്‍ താഴെയായിരിക്കണം കുടുംബ വാര്‍ഷികവരുമാനം. ജിയോജിത്തിന്‍റെ സിഎസ്‌ആര്‍ വിഭാഗമായ ജിയോജിത് ഫൗണ്ടേഷന്‍ വഴിയാണ് സ്‌കോളര്‍ഷിപ്പുകള്‍ വിതരണം ചെയ്യുന്നത്.
അപേക്ഷിക്കാനുള്ള അവസാന തീയതി ഓഗസ്റ്റ് 31. കൂടുതല്‍ വിവരങ്ങള്‍ക്ക് 9995483998 എന്ന നമ്പറില്‍ ബന്ധപ്പെടുക.
