ജൂലൈ 14 മുതല്‍ ആന്തം ബയോസയന്‍സസ് ലിമിറ്റഡ് ഐപിഒ
കൊച്ചി: 2025 ജൂലൈ 14 മുതല്‍ 16 വരെ ആന്തം ബയോസയന്‍സസ് ലിമിറ്റഡിന്റെ പ്രാഥമിക ഓഹരി വില്‍പന (ഐപിഒ) നടക്കും.ഐപിഒയില്‍നിലവിലുള്ള നിക്ഷേപകരുടെ 3,395 കോടി രൂപയുടെ ഇക്വിറ്റി ഓഹരികളുടെ ഓഫര്‍ ഫോര്‍ സെയിലാണ് ഉള്‍പ്പെടുത്തിയിരിക്കുന്നത്.രണ്ട് രൂപ മുഖവിലയുള്ള ഓഹരി ഒന്നിന് പ്രൈസ് ബാന്‍ഡ് 540 രൂപ മുതല്‍ 570 രൂപ വരെയാണ് നിശ്ചയിച്ചിരിക്കുന്നത്. കുറഞ്ഞത് 26 ഇക്വിറ്റി ഓഹരികള്‍ക്കും തുടര്‍ന്ന് 26 ന്റെ ഗുണിതങ്ങള്‍ക്കും അപേക്ഷിക്കാം. എന്‍എസ്‌ഇയിലും ബിഎസ്‌ഇയിലും ഓഹരികള്‍ ലിസ്റ്റ് ചെയ്യും. അര്‍ഹരായ ജീവനക്കാര്‍ക്കായി മാറ്റിവെച്ചിരിക്കുന്ന ഓരോ ഇക്വിറ്റി ഓഹരിക്കും 50 രൂപ വീതം ഡിസ്‌ക്കൗണ്ട് പ്രഖ്യാപിച്ചിട്ടുണ്ട്.ഐപിഒയുടെ ബുക്ക് റണ്ണിങ് ലീഡ് മാനേജര്‍മാര്‍ ജെഎം ഫിനാന്‍ഷ്യല്‍ ലിമിറ്റഡ്, സിറ്റിഗ്രൂപ്പ് ഗ്ലോബല്‍ മാര്‍ക്കറ്റ്‌സ് ഇന്ത്യ പ്രൈവറ്റ് ലിമിറ്റഡ്, ജെ.പി.മോര്‍ഗന്‍ ഇന്ത്യ പ്രൈവറ്റ് ലിമിറ്റഡ്, നോമുറ ഫിനാന്‍ഷ്യല്‍ അഡ്വൈസറി ആന്‍ഡ് സെക്യൂരിറ്റീസ് (ഇന്ത്യ) പ്രൈവറ്റ് ലിമിറ്റഡ് എന്നിവരാണ് .
