ഏജന്‍സി ഓഫ് ദ ഇയര്‍ 2025 മൈത്രി അഡ്വര്‍ടൈസിംഗ് വര്‍ക്‌സിന്
കൊച്ചി: ബംഗളൂരുവില്‍ സംഘടിപ്പിച്ച ഇ4എം ഇന്ത്യന്‍ മാര്‍ക്കറ്റിംഗ് അവാര്‍ഡ്‌സ് സൗത്തില്‍ ഏജന്‍സി ഓഫ് ദ ഇയര്‍ 2025 മൈത്രി അഡ്വര്‍ടൈസിംഗ് വര്‍ക്‌സിന്. അഞ്ചു സ്വര്‍ണവും എട്ടു വെള്ളിയും നാലു വെങ്കലവും ഉള്‍പ്പെടെ 17 അവാര്‍ഡുകളാണ് മൈത്രി കരസ്ഥമാക്കിയത്.
ഇതോടെ തുടര്‍ച്ചയായി നാലു തവണ ഏജന്‍സി ഓഫ് ദ ഇയര്‍ നേട്ടം സ്വന്തമാക്കുന്ന ആദ്യത്തെ ഏജന്‍സിയായി മൈത്രി മാറി കഴിഞ്ഞു.തങ്ങളുടെ ആശയങ്ങളില്‍ വിശ്വസിക്കുന്നവരുടെ കൂടി നേട്ടമാണ് ഈ നേട്ടമെന്ന് പുരസ്‌കാരങ്ങള്‍ ഏറ്റുവാങ്ങിയശേഷം മാനേജിംഗ് ഡയറക്ടര്‍ രാജു മേനോനും ചെയര്‍മാന്‍ സി. മുത്തുവും പറഞ്ഞു.29 വര്‍ഷം മുമ്പ് കൊച്ചിയില്‍ തുടങ്ങിയ മൈത്രിക്ക് ഇപ്പോള്‍ ദക്ഷിണേന്ത്യയിലുടനീളം സാന്നിധ്യമുണ്ട്.
