ആശീർവാദ് മൈക്രോ ഫിനാൻസ് ഡെപ്യൂട്ടി സിഇഒ ആയി മനോജ് പസങ്കയെ നിയമിച്ചു
വലപ്പാട്: മണപ്പുറം ഫിനാൻസിന് കീഴിലുള്ള പ്രമുഖ മൈക്രോ ഫിനാൻസ് സ്ഥാപനമായ ആശീർവാദ് മൈക്രോ ഫിനാൻസ് ലിമിറ്റഡ്, കമ്പനി ഡെപ്യൂട്ടി സിഇഒ ആയി ജെറാർഡ് ഡേവിഡ് മനോജ് പസങ്കയെ നിയമിച്ചു.ഐഐഎഫ്എൽ സമസ്തയിൽ പ്രസിഡന്റും ഡെപ്യൂട്ടി സിഇഒയുമായിരുന്നു അദ്ദേഹം.
ഐഎൻജി ലൈഫ് ഇന്ത്യയിൽ എക്സിക്യൂട്ടീവ് വൈസ് പ്രസിഡന്റ്, ഭാരതി ഫിനാൻഷ്യൽ ഇൻക്ലൂഷൻ ലിമിറ്റഡിൽ ദക്ഷിണ മേഖലാ ചീഫ് ഓപ്പറേറ്റിംഗ് ഓഫീസർ തുടങ്ങിയ നിലകളിൽ സേവനം അനുഷ്ഠിച്ചിട്ടുണ്ട്.
ആശീർവാദിന്റെ നേതൃനിരയിലേക്ക് മനോജ് പസങ്കയെ സ്വാഗതം ചെയ്യാൻ സന്തോഷമുണ്ടെന്ന് ആശീർവാദ് മൈക്രോ ഫിനാൻസ് ചെയർമാൻ വി.പി. നന്ദകുമാർ പറഞ്ഞു.
