ആധാർ പുതുക്കൽ സൗജന്യം: സമയപരിധി ഡിസംബർ 14 വരെ
ആധാർ കാർഡ് സൗജന്യമായി പുതുക്കാനുള്ള അവസാന തീയതി ഡിസംബർ 14 ആയി നീട്ടി. അതിനുശേഷം, ആധാർ അപ്‌ഡേറ്റ് ചെയ്യുന്നവർക്ക് പ്രോസസ്സിംഗ് ഫീസ് നൽകേണ്ടി വരും. യുഐഡിഎഐയുടെ ഔദ്യോഗിക വെബ്സൈറ്റായ ‘മൈ ആധാർ’ വഴി ഈ സൗജന്യ സേവനം നേരത്തെ നൽകിയിരുന്ന കാലാവധി വീണ്ടും നീട്ടിയിരിക്കുകയാണ്. ആധാറിലെ പേര്, വിലാസം, മറ്റ് വ്യക്തിപരമായ വിവരങ്ങൾ ഡിസംബർ 14 വരെ സൗജന്യമായി പുതുക്കാനാകും. ഈ തീയതി കഴിഞ്ഞാൽ ഡോക്യുമെന്റുകളുടെ അപ്‌ഡേറ്റിനായി 50 രൂപ ചാർജ് നൽകേണ്ടതാണ്.
ആധാർ അപ്‌ഡേറ്റ് ചെയ്യുന്നതെങ്ങനെ?
- myaadhaar.uidai.gov.in എന്ന സൈറ്റിൽ പ്രവേശിക്കുക.
- ‘myAadhaar’ വിഭാഗത്തിൽ ‘നിങ്ങളുടെ ആധാർ അപ്‌ഡേറ്റ് ചെയ്യുക’ എന്ന ഓപ്ഷൻ തിരഞ്ഞെടുക്കുക.
- ‘ആധാർ വിശദാംശങ്ങൾ അപ്‌ഡേറ്റ് ചെയ്യുക (ഓൺലൈൻ)’ ക്ലിക്കുചെയ്യുക, പിന്നീട് ‘ഡോക്യുമെന്റ് അപ്‌ഡേറ്റ്’ ഓപ്ഷൻ തിരഞ്ഞെടുക്കുക.
- ആധാർ നമ്പർ നൽകി, ക്യാപ്ച പൂരിപ്പിച്ച് ‘OTP’ ഓപ്ഷൻ തിരഞ്ഞെടുക്കുക.
- രജിസ്റ്റർ ചെയ്ത മൊബൈൽ നമ്പറിലേക്ക് ലഭിക്കുന്ന OTP നൽകുക.
- പുതുക്കാൻ ആവശ്യമുള്ള വിവരങ്ങൾ (പേര്, വിലാസം തുടങ്ങിയവ) തിരഞ്ഞെടുക്കുക.
- ആവശ്യമായ മാറ്റങ്ങൾ സാക്ഷ്യപ്പെടുത്താൻ പുതിയ ഡോക്യുമെന്റുകൾ അപ്‌ലോഡ് ചെയ്യുക.
ഈ മാർഗനിർദ്ദേശങ്ങൾ പിന്തുടർന്ന് ഡോക്യുമെന്റുകൾ സൗജന്യമായി അപ്‌ഡേറ്റ് ചെയ്യാവുന്നതാണ്.
