ബക്കാർഡിയും ജിമ്മും ജാക്ക് ഡാനിയലും കാനഡയിൽ നിന്ന് ഔട്ട്

ഒട്ടാവ: അമേരിക്കൻ ഉൽപ്പന്നങ്ങൾക്കു മേലുള്ള പുതിയ താരിഫ് നടപടികളുടെ മറുപടിയായി, കാനഡ സർക്കാർ യുഎസ് നിർമ്മിത മദ്യം അവിടുത്തെ സർക്കാർ മദ്യശാലകളിൽ നിന്ന് നീക്കം ചെയ്യുന്നു. ബക്കാർഡി, ജാക്ക് ഡാനിയൽസ്, ജിമ്മ് എന്നിവയുടെ വിതരണത്തിൽ നേരിട്ട് നിയന്ത്രണം വരുത്തിയതായി റിപ്പോർട്ടുകളുണ്ട്.ബ്രിട്ടീഷ് കൊളംബിയയിലെ സർക്കാർ നിയന്ത്രിത മദ്യശാലകളിൽ നിന്നു നേരത്തെ തന്നെ യുഎസ് നിർമ്മിത മദ്യം നീക്കം ചെയ്യാൻ നടപടി ആരംഭിച്ചതായി റിപ്പോർട്ടുകൾ വ്യക്തമാക്കുന്നു.

ഞായറാഴ്ച ഉച്ചയോടെ, ജാക്ക് ഡാനിയൽസ് പോലുള്ള വിസ്കി ബ്രാൻഡുകൾ വാൻകൂവറിലെ ബിസി ലിക്കർ സ്റ്റോറുകളുടെ കാംബി സ്ട്രീറ്റ് ശാഖയിൽ നിന്നു നഷ്ടപ്പെട്ടതായി ഉപഭോക്താക്കൾ ശ്രദ്ധിച്ചു. പകരം കനേഡിയൻ നിർമ്മിത മദ്യം തിരഞ്ഞെടുക്കാൻ ഉപഭോക്താക്കളെ പ്രോത്സാഹിപ്പിക്കുന്ന ബോർഡുകൾ സ്ഥാപിച്ചിട്ടുണ്ട്.

അമേരിക്കൻ പ്രസിഡൻ്റ് ഡൊണാൾഡ് ട്രംപ് കഴിഞ്ഞ ശനിയാഴ്ച കനേഡിയൻ ഉൽപ്പന്നങ്ങൾക്ക് 10% മുതൽ 25% വരെ പുതിയ താരിഫ് ഏർപ്പെടുത്തുന്ന എക്സിക്യൂട്ടീവ് ഉത്തരവിൽ ഒപ്പുവച്ചതിനു പിന്നാലെയാണ് ഈ നടപടിയെന്നതിൽ സംശയമില്ല. കാനഡ പ്രധാനമന്ത്രി ജസ്റ്റിൻ ട്രൂഡോ, സ്വദേശീയ ഉൽപ്പന്നങ്ങൾ പ്രോത്സാഹിപ്പിക്കണമെന്ന് പൊതുജനങ്ങളോട് ആഹ്വാനം ചെയ്തിട്ടുണ്ട്.